🔆કેન્દ્ર સરકાર દ્વારા ખેડૂતોને રાહત આપવા માટે અનેક પ્રકારની યોજનાઓ ચલાવવામાં આવે છે, કેટલીક યોજનાઓ હેઠળ ખેડૂતોને વ્યાજબી દરે લોન આપવામાં આવે છે, જ્યારે કેટલીક યોજનાઓમાં તેમને આર્થિક મદદ કરવાના પ્રયાસો કરવામાં આવે છે. આવી જ એક યોજનાનું નામ છે પીએમ કિસાન યોજના, જેના આગામી હપ્તાની દેશના કરોડો ખેડૂતો રાહ જોઈ રહ્યા છે. 🔆અત્યાર સુધીમાં આ યોજનાના 15 હપ્તા બહાર પાડવામાં આવ્યા છે, જે ખેડૂતોના બેંક ખાતામાં સીધા ટ્રાન્સફર કરવામાં આવ્યા હતા. આ યોજનાને લઈને ઘણા ખેડૂતોમાં ભારે અસમંજસ ઉભી થઈ રહી છે, જેમાંથી એક પ્રશ્ન એ છે કે શું એક જ પરિવારના બે ભાઈઓને કિસાન યોજનાનો લાભ મળી શકે ખરો ? એક પરિવાર તરફથી માત્ર એક અરજી 🔆છેલ્લા 15 હપ્તાઓમાં એવા ઘણા કિસ્સા પ્રકાશમાં આવ્યા છે જેમાં એક જ પરિવારના અલગ-અલગ સભ્યોએ પીએમ કિસાન યોજના માટે અરજી કરી હતી અને તેમના ખાતામાં પૈસા પણ આવ્યા હતા, જોકે આ નિયમોની વિરુદ્ધ છે. હવે આવા ખેડૂતો પાસેથી ખેતીવાડી વિભાગ દ્વારા વસૂલાત કરવામાં આવી રહી છે. એક પરિવારમાંથી એક કરતાં વધુ અરજી કરી શકાતી નથી. જો તમે આવું કરશો તો તમારી સામે કાર્યવાહી થઈ શકે છે. બે ભાઈઓ કઈ રીતે લાભ લઈ શકે ? 🔆જો તમે બે ભાઈઓ છો અને એક જ પરિવારમાં રહો છો, તો માત્ર એક જ વ્યક્તિ PM કિસાન યોજના માટે અરજી કરી શકે છે. એટલે કે પરિવારનો એક જ સભ્ય આ યોજનાનો લાભ લઈ શકશે. જો તમારો ભાઈ તેના પરિવાર સાથે અલગ રહે છે અને અલગ ખેતી કરે છે, તો તમે બંને આ યોજના માટે અરજી કરી શકે છે. કિસાન યોજનાનો હપ્તો તેમના બંને ખાતામાં જમા કરવામાં આવશે. 🔆પીએમ કિસાન યોજનામાં આવા ઘણા મામલા સામે આવ્યા બાદ કેવાયસી ફરજિયાત કરવામાં આવ્યું હતું, આમાં હવે એવા ખાતાઓની ઓળખ કરવામાં આવશે કે જેઓ એકથી વધુ અરજી કરી રહ્યા છે અથવા તો નકલી ખેડૂતો છે. તમામ રાજ્યોમાં આવા લાખો નકલી ખેડૂતોનો પર્દાફાશ થયો છે. આવા ખેડૂતોના ખાતામાં પીએમ કિસાન યોજનાનો 16મો હપ્તો જમા કરવામાં આવશે નહીં. 👉સંદર્ભ :- Agrostar ખેડૂત ભાઈઓ, તમને આ માહિતી કેવી લાગી? અમને💬 કોમેન્ટ કરી ને જણાવો અને આપેલ માહિતી ને લાઈક 👍 કરી વધુ ને વધુ ખેડૂત મિત્રો સાથે શેર કરો!