દેશમાં ડુંગળીની નિકાસમાં ઝડપી વધારો જોવા મળ્યો છે. ખાસ કરીને છેલ્લા છ મહિના દરમિયાન સરેરાશ ડુંગળીના ભાવ નીચા રહ્યા હોવાથી નિકાસ વેપારો વધ્યા હતા. ભારતનાં હરીફ દેશોમાં પણ ભાવ ઊંચા હોવાથી ભારતીય નિકાસને ફાયદો થયો છે. ગુજરાતમાં ડુંગળીનાં ભાવ વધીને ક્વિન્ટલના રૂ.૧૫૦૦ની ઉપર પહોંચી ગયાં છે, જેને પગલે સરેરાશ બજારનું વલણ હાલ પૂરતું મજબૂત દેખાઈ રહ્યું છે.બુધવારે કુલ ૫૦ હજાર ગુણીની આવક થઈ હતી અને ભાવ ૨૦ કિલોના રૂ.૬૦થી ૨૪૦ લાલમાં અને રૂ.૨૪૦થી ૩૦૦નાં ભાવ સફેદમાં હતા.