ખેતી માટે માટીની ઉર્વરતા અત્યંત મહત્વપૂર્ણ છે. માટી સારી ન હોય તો પાક સારું ઉત્પાદન આપી શકતો નથી. બાંજર જમીનમાં પોષક તત્વોની અછત હોય છે. આવી સ્થિતિમાં ખેડૂત પોષક તત્ત્વોની ખોટ પૂરી કરવા ખાતરનો ઉપયોગ કરે છે. દર વર્ષે દેશમાં લાખો ટન ખાતરનો ઉપયોગ પાકોને સારા બનાવવા માટે થાય છે. બજારમાં પણ વિવિધ પ્રકારના ખાતર ઉપલબ્ધ છે. આવી સ્થિતિમાં તે ઓળખવું જરૂરી બની જાય છે કે કયું ખાતર સાચું છે અને કયું નકલું? ચાલો જાણીએ ખાતરની સાચી ઓળખ કઈ રીતે કરવી 👉યુરિયા યુરિયાના દાણા સફેદ, ચમકદાર અને લગભગ સમાન આકારના હોવા જોઈએ. તે પાણીમાં સંપૂર્ણપણે ઓગળી જાય છે. આ દ્રાવણને સ્પર્શતા ઠંડકનો અનુભવ થાય છે. તવા પર ગરમ કરવાથી તે ઓગળી જાય છે અને આંચ વધારતાં કોઈ અવશેષ બાકી રહેતું નથી. 👉પોટાશ સફેદ કડક દાણા પોટાશની ઓળખ છે. તે મીઠા અને લાલ મરચાં જેવા રંગમાં હોય છે. પોટાશના દાણાને ગરમ કરવાથી તે એકબીજા સાથે ચીપકાતા નથી, આ તેની સાચી હોવાની ઓળખ છે. તેને પાણીમાં ઓગાળવાથી તેનું લાલ ભાગ પાણી પર તરવા લાગે છે. 👉ઝિંક સલ્ફેટ ઝિંક સલ્ફેટના દાણા હળવા સફેદ, પીળા અને ભૂરા રંગના હોય છે. તે ખૂબ જ બારીક હોય છે. ઝિંક સલ્ફેટમાં મેગ્નેશિયમ સલ્ફેટ મિક્સ થાય છે. જોકે તેની ઓળખ કરવી થોડી મુશ્કેલ છે, પરંતુ ડી.એ.પી.ના દ્રાવણમાં ઝિંક સલ્ફેટ મિક્સ કરતા જાડું થાક જેવું અવશેષ બને છે. 👉ડી.એ.પી. ડી.એ.પી.માં તમાકુના ચૂરા જેવું ચૂર્ણ મિક્સ કરીને ઘસતા પ્રખર વાસ આવે છે. તવા પર ગરમ કરતાં દાણા ફૂલવા લાગે છે. દાણા કઠણ, ભૂરા, કાળા અને બદામી રંગના હોય છે. નખથી ખંજવાળવા પર તે સરળતાથી તૂટતું નથી. 👉સુપર ફોસ્ફેટ સુપર ફોસ્ફેટને ગરમ કરતાં જો દાણા ફૂલે તો તે નકલું છે. જો દાણા ફૂલતા નથી તો તે સાચું છે. દાણા કઠણ, ભૂરા, કાળા અને બદામી રંગના હોય છે. તે નખથી ખંજવાળવાથી તૂટતું નથી. 👉સંદર્ભ :- AgroStar ખેડૂત ભાઈઓ, તમને આ માહિતી કેવી લાગી? અમને કોમેન્ટ કરી ને જણાવો અને આપેલ માહિતી ને લાઈક👍કરી વધુ ને વધુ ખેડૂત મિત્રોને ને શેર કરો.આભાર!