ટપકાંવાળી ઇયળનું આક્રમણ થવાને લીધે શીંગોમાં દાણા ભરાતા નથી અથવા તો ઇયળ દ્વારા ખવાઇ જાય છે. પરિણામે, ઉત્પાદન પર માઠી અસર પડતી હોય છે. આ ઇયળને જોતા ઇયળ લીલાશ પડતી રંગની હોય છે અને તેના શરીર ઉપર કાળા રંગના અસંખ્ય નાના નાના વાળ જોવા મળે છે. પુખ્ત ઇયળ અર્ધપારદર્શક અને શરીર ઉપર કાળા ટપકાંની ૬ હરોળ જોવા મળે છે જેથી આ ઇયળને “ટપકાંવાળી ઇયળ” કહેવામાં આવે છે. નિયંત્રણ માટે, ઈમામેક્ટીન બેન્ઝોએટ ૫% ડબલ્યુજી ૨૨૦ ગ્રામ અથવા ફ્લુબેન્ડીએમાઇડ ૩૯.૩૫% એસસી ૧૦૦ મિ.લિ. અથવા ક્લોરાન્ટ્રાનીલીપ્રોલ ૧૮.૫% એસસી ૧૦૦ મિ.લિ. પ્રતિ એકર પ્રમાણે જીવાતની શરુઆત થાય ત્યારે છંટકાવ કરવો.