👉सूर्यफूल हे प्रकाशास असंवेदनशील पीक असल्याने ते वर्षभर, तीनही हंगामात घेतले जाते. मात्र, रब्बी आणि उन्हाळी हंगामात त्याचे उत्पादन अधिक चांगले मिळते कारण या काळात पिकाला आवश्यक तसा सूर्यप्रकाश मिळतो, तसेच रोग आणि किडींचे प्रमाण तुलनेने कमी असते. सूर्यफुलाच्या चांगल्या वाढीसाठी व तेलाच्या प्रमाण वाढीसाठी रात्रीचे तापमान 17 ते 20 अंश सेल्सिअस तर दिवसाचे तापमान 24 ते 26 अंश सेल्सिअस असणे अत्यंत योग्य ठरते. 👉सूर्यफूल पीक फुलोऱ्यात असताना जास्त उष्णता, कडाक्याची थंडी किंवा धुक्याचे प्रमाण वाढल्यास दाणे भरण्याची प्रक्रिया प्रभावित होते, ज्याचा पिकाच्या उत्पादनावर अनिष्ट परिणाम होऊ शकतो. रब्बी हंगामात सूर्यफुलाची पेरणी ऑक्टोबरच्या पहिल्या पंधरवड्यापासून ते नोव्हेंबरच्या पहिल्या पंधरवड्यापर्यंत करावी, तर उन्हाळी हंगामात फेब्रुवारीच्या पहिल्या पंधरवड्यात पेरणी करणे लाभदायक ठरते. योग्य तापमान आणि योग्य पेरणी कालावधी यांचा विचार करून सूर्यफूल पीक घेणे उत्पादनवाढीसाठी उपयुक्त ठरते. संदर्भ : Agrostar वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.