👉🏻झाडाच्या बाहेरील भागातील फळांवर दीर्घकाळ सूर्यप्रकाश थेट पडल्यामुळे त्यांच्या पृष्ठभागावर तपकिरी ते तांबूस रंगाचे डाग दिसतात. ही अवस्था फळांना भाजल्यासारखी वाटते. तीव्र सूर्यप्रकाश, कोरडे वातावरण आणि हवेतील कमी आर्द्रता या घटकांमुळे फळांवर असे डाग पडतात. 👉🏻यावर उपाययोजना करण्यासाठी योग्य वेळेत पावले उचलणे गरजेचे आहे: 1.अन्नद्रव्य व्यवस्थापन: झाडाचे पोषण योग्य प्रकारे करावे. अन्नद्रव्यांचा प्रमाणशीर वापर केल्यामुळे झाडे सुदृढ होतात आणि फळांच्या गुणवत्तेत सुधारणा होते. 2. छाटणी: झाडांची छाटणी योग्य प्रकारे करावी. विशेषतः आंबिया बहरात फळे झाडाच्या आतील भागात लागतील अशा पद्धतीने छाटणी करावी. 3. फ्रूट कव्हरचा वापर: फळे झाकण्यासाठी फ्रूट कव्हरचा वापर करावा, ज्यामुळे ती थेट सूर्यप्रकाशापासून सुरक्षित राहतील. 4. सिलिकॉन फवारणी: झाडांवर सिलिकॉनसारख्या अन्नद्रव्यांची फवारणी करावी. यामुळे फळांची गुणवत्ता टिकून राहते आणि ती अधिक सुदृढ होतात. 👉🏻ही उपाययोजना केल्याने फळांचे नुकसान कमी होऊन फळांची गुणवत्ता व उत्पादन वाढते. योग्य व्यवस्थापनाने फळे अधिक चांगल्या स्थितीत ठेवता येतात. 👉🏻संदर्भ : AgroStar वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.