👉ज्या ठिकाणी ड्रीप आणि मल्चिंगचा वापर करणार असाल, तिथे रोपांची किंवा बियाण्यांची लागवड करण्यापूर्वी शेताची संपूर्ण मशागत करावी. बेड तयार करून त्यामध्ये आवश्यक खतांची मात्रा मिसळावी आणि बेड पूर्णतः तयार करावा. त्यानंतर ड्रीप संचाची मांडणी करून 10-15 मिनिटे पाणी सोडून त्याची तपासणी करावी. 👉ड्रीप प्रणाली तपासल्यानंतर मल्चिंग पेपर टाकावा, पण लगेच छिद्र पाडू नये. मल्चिंग पेपर एक दिवस उन्हात तापू द्यावा. दुसऱ्या दिवशी ठिबक प्रणालीद्वारे पाणी सोडल्यास पेपरला होल नसल्यामुळे आतमध्ये वाफ तयार होतो, जो जमिनीतील कीड आणि रोग नियंत्रणास मदत करतो. 👉तिसऱ्या दिवशी पेपरला होल पाडून पुन्हा पाणी सोडावे, जेणेकरून आतील वाफ बाहेर निघेल. चौथ्या दिवशी जमिनीत योग्य प्रमाणात ओलावा (वापसा) असताना रोपांची लागवड करावी. अशा प्रकारे नियोजनपूर्वक लागवड केल्यास जमिनीतील उष्णता नियंत्रित राहते आणि रोपांची मर टाळता येते. 👉ही पद्धत पिकाच्या सुरुवातीच्या वाढीसाठी लाभदायक असून, उत्पादनवाढीस मदत करते. योग्य ड्रीप आणि मल्चिंग व्यवस्थापनामुळे पाण्याचा कार्यक्षम वापर होतो आणि कीड-रोगांपासून संरक्षण मिळते. 👉संदर्भ : AgroStar वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.