👉तूर हे कडधान्य पीक प्रामुख्याने पावसाच्या पाण्यावर अवलंबून असते. पाऊस कमी झाल्यास आणि पिकावर पाण्याचा ताण जाणवत असल्यास पाण्याचे नियोजन योग्य वेळी करणे अत्यंत महत्त्वाचे आहे. तूर पिकाला पहिला पाण्याचा पुरवठा फुलकळी येण्याच्या अवस्थेत करावा. यामुळे फुलांचा आकार सुधारतो आणि उत्पादनात वाढ होते. दुसऱ्या पाण्याचा पुरवठा फुलोऱ्यात असताना करावा, ज्यामुळे फुलांची संख्या अधिक राहते आणि उत्पादनात चांगली वाढ होते. तिसरे पाणी शेंगांमध्ये दाणे भरण्याच्या अवस्थेत देणे आवश्यक आहे, जेणेकरून दाणे चांगले भरतील आणि उत्पादनाच्या गुणवत्तेत सुधार होईल. 👉पाण्याचा योग्य प्रकारे वापर केल्याने पिकाची वाढ चांगली होते आणि तणाव कमी होतो. तूर पिकामध्ये अतिरिक्त पाणी साचून राहणार नाही याची काळजी घ्यावी, कारण त्यामुळे मुळे कुजण्याचा धोका निर्माण होतो. पाणी निचऱ्याची व्यवस्था उत्तम ठेवणे महत्त्वाचे आहे. योग्य काळजी घेऊन नियोजन केल्यास तूर पिकाचे उत्पादन आणि गुणवत्ता वाढवता येऊ शकते. 🌱संदर्भ : AgroStar वरील उपयुक्त माहिती आवडल्यास लाईक👍करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.