👉खरीप हंगामातील पिकाची काढणी झाल्यावर गहू आणि इतर रब्बी पिकांच्या लागवडीची तयारी केली जाते. गहू पिकासाठी थंड, कोरडे आणि स्वच्छ सूर्यप्रकाश असलेले हवामान अत्यंत अनुकूल असते. चांगल्या उत्पादनासाठी 15 ऑक्टोबर ते 15 नोव्हेंबर दरम्यान पेरणी करणे सर्वोत्तम ठरते. या कालावधीत पेरणी केल्यास गव्हाच्या दाण्यांची उगवण चांगली होते आणि पिकाची वाढ देखील समाधानकारक होते. 👉गहू पिकाच्या चांगल्या सुरुवातीसाठी बीजप्रक्रिया करणे महत्त्वाचे असते. सुरुवातीच्या अवस्थेत किडींचा प्रादुर्भाव होऊ नये यासाठी बियाण्याची थायमेथोक्सम 30% एफएस घटक असणाऱ्या क्रुझर प्लस कीटकनाशकाने प्रक्रिया करावी. यासाठी 3 मिली क्रुझर प्लस प्रति किलो बियाणे घेऊन बीजप्रक्रिया करावी, जेणेकरून पिकाचे सुरुवातीच्या काळात किडींपासून संरक्षण होईल आणि उगवण एकसारखी होईल. योग्य पद्धतीने बीजप्रक्रिया केल्याने गहू पिकाची वाढ जोमदार होते आणि उत्पादनात वाढ होण्यास मदत होते. 🌱संदर्भ : AgroStar वरील उपयुक्त माहिती आवडल्यास लाईक👍करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.