• सीताफळ बागेस साधारणपणे सकाळी ६ ते ८ या काळात सिंचन करावे. त्यामुळे आर्द्रता व्यवस्थापन व पाण्याचा पुरेपूर वापर पराग सिंचनासाठी होतो. फळांची वाढही समाधानकारक होते. • सिंचनासाठी ठिबक सिंचन पद्धतीचा अवलंब करावा. त्यामुळे पाण्याची ५० ते ७० टक्के बचत होते. झाडाच्या दोन्ही बाजूंनी दोन लॅटरल्स टाकाव्यात. त्याचबरोबर प्रत्येक लॅटरलवर दोन ड्रिपर्स ठेवावीत. यामुळे झाडाच्या मुळांच्या विस्ताराच्या क्षेत्रात समप्रमाणात पाणी मिळून पाण्याची संपूर्ण मात्रा पिकास उपयोगी पडते. अन् पाण्याची बचतही होते. • पाण्याची बचत व पिकाकडून प्रभावी वापर होण्यासाठी बागेमध्ये सेंद्रिय किंवा प्लास्टिक आच्छादनाचा वापर करावा. आच्छादन झाडाच्या बुंध्याभोवती करावे.