महाराष्ट्रावर हवेचा दाब १०१० हेप्टापास्कल राहील, तर ईशान्य भारतावर तो १०१२ हेप्टापास्कल राहील. त्यामुळेच वारे ईशान्येकडून वाहत असून, मोठया प्रमाणावर ढग महाराष्ट्राच्या पूर्व भागात व पश्चिम महाराष्ट्राच्या दिशेने येत आहेत. यामुळे पाऊस दररोज कोणत्या ना कोणत्या भागात होत आहेत. दि. १४ ऑक्टोबरला हीच हवामान स्थिती राहील. १६ ऑक्टोबरला ईशान्य भारतावरील हवेचे दाब १०१६ हेप्टापास्कलपर्यंत वाढत असून, त्याचा परिणाम १७ ते १९ ऑक्टोबर दरम्यान महाराष्ट्रात दमदार पावसाची शक्यता आहे. २० ऑक्टोबरनंतर मान्सून राज्याच्या उत्तरेकडील भागातून बाहेर पडेल.