2019-20ರ ಮುಂಗಾರಿನ ಹಂಗಾಮಿನಲ್ಲಿ ಕನಿಷ್ಠ ಬೆಂಬಲ ಬೆಲೆಗೆ (ಎಂಎಸ್‌ಪಿ) 416 ಲಕ್ಷ ಟನ್ ಅಕ್ಕಿ ಸಂಗ್ರಹಿಸುವ ಗುರಿಯನ್ನು ಸರ್ಕಾರ ನಿಗದಿಪಡಿಸಿದೆ. ಕಳೆದ ವರ್ಷದ ಗುರಿ 369.75 ಲಕ್ಷ ಟನ್‌ಗಿಂತ ಶೇ 12.50 ರಷ್ಟು ಹೆಚ್ಚಾಗಿದೆ. ಕಳೆದ ಮುಂಗಾರು ಹಂಗಾಮಿನಲ್ಲಿ 369.75 ಲಕ್ಷ ಟನ್‌ಗಳಷ್ಟು ಗುರಿ ಹೊಂದಿದ್ದರೂ ಸಂಗ್ರಹಣೆ 440.03 ಲಕ್ಷ ಟನ್‌ ಎಂದು ಆಹಾರ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. 2018-19ರ ಮುಂಗಾರಿನ ದಾಖಲೆಯ ಪ್ರಕಾರ 10.21 ದಶಲಕ್ಷ ಟನ್ ಅಕ್ಕಿ ಉತ್ಪಾದಿಸಲಾಗಿದೆ ಎಂದು ಹೇಳಿದರು. ಅಕ್ಟೋಬರ್ 1, 2019 ರಿಂದ ಪ್ರಾರಂಭವಾಗುವ ಮುಂಗಾರಿನ ಮಾರಾಟದ ಹಂಗಾಮಿನಲ್ಲಿ, ಪ್ರಮುಖ ಉತ್ಪಾದನಾ ರಾಜ್ಯವಾದ ಪಂಜಾಬ್‌ನಿಂದ ಭತ್ತವನ್ನು ಖರೀದಿಸುವ ಗುರಿ 114 ಲಕ್ಷ ಟನ್ ಮತ್ತು ಹರಿಯಾಣದಿಂದ 40 ಲಕ್ಷ ಟನ್, ಆಂಧ್ರಪ್ರದೇಶದಿಂದ 40 ಲಕ್ಷ ಟನ್, ಛತ್ತಿಸ್ಗಢ ದಿಂದ 48 ಲಕ್ಷ ಟನ್ ಮತ್ತು ಒಡಿಶಾ 34 ಲಕ್ಷ ಟನ್ ಗುರಿ ಹೊಂದಿದೆ. ಉತ್ತರ ಪ್ರದೇಶದಿಂದ 33 ಲಕ್ಷ ಟನ್, ತೆಲಂಗಾಣದಿಂದ 30 ಲಕ್ಷ ಟನ್, ಪಶ್ಚಿಮ ಬಂಗಾಳದಿಂದ 23 ಲಕ್ಷ ಟನ್, ಬಿಹಾರದಿಂದ 12 ಲಕ್ಷ ಟನ್ ಮತ್ತು ಮಧ್ಯಪ್ರದೇಶದಿಂದ 14 ಲಕ್ಷ ಟನ್ ಖರೀದಿಸುವ ಗುರಿ ಹೊಂದಿದೆ. ಪ್ರಸಕ್ತ ಮುಂಗಾರಿನ ಮಾರಾಟದ ಹಂಗಾಮಿನಲ್ಲಿ 2019-20ನೇ ಸಾಲಿನ ಎ-ಗ್ರೇಡ್ ಭತ್ತದ ಕನಿಷ್ಠ ಬೆಂಬಲ ಬೆಲೆಯನ್ನು 1,835 ರೂ.ಗೆ ಮತ್ತು ಸಾಮಾನ್ಯ ದರ್ಜೆಯ ಭತ್ತವನ್ನು ಕ್ವಿಂಟಲ್‌ಗೆ 1,815 ರೂ. ಮೂಲ - ಔಟ್‌ ಲುಕ್ ಕೃಷಿ, 26 ಆಗಸ್ಟ್ 2019