१) खरिपाच्या पूर्व तयारीस लागावे – पूर्व मोसमी पावसाचे वातावरण आणि आगामी मान्सूनचे आगमन वेळेवर येण्याची शक्यता लक्षात घेऊन खरीपाची पूर्व तयारीस लागणे अत्यंत गरजेचे आहे. या वर्षीचा मान्सूनवेळेवर येईल हि शक्यता लक्षात घेऊन जमिनीची नांगरट करून जमीन तापु द्यावी. शेणखत घालवायाचे झाल्यास शेणखत शेतात पसरून वापशावर कुळवाची पाळी द्यावी.आणि ते शेतात मिसळावे शेतातील पूर्वीच्या पिकाचे अवशेष गोळा करून जमीन स्वच्छ ठेवावी बीयाणे व खतांची जमवाजमव करून ठेवावी. २) खरीप हंगामाची पिक पद्धती जमीन व हवामान लक्षात घेऊन ठरवावी या वर्षी मान्सूनचा पाऊस सरासरी जेवढा होण्याची शक्यता वर्तवण्यात आली आहे.तसेच जून महिन्यात चांगल्या पावसाची शक्यता असल्याने सोयाबीन,मुग,मटकी,उडीद,चवळी या पिकांचा पेरा वेळेवर होणे गरजेचे होणे शक्य आहे. याशिवाय भाताची रोपे तयार करण्यासाठी रोपवाटीकेची तयारी सुरु करावी.