लखनौ : पंतप्रधान नरेंद्र मोदी यांनी गोरखपूर येथून ‘पंतप्रधान किसान योजने’स रविवारी सुरूवात केल्याने शेतकऱ्यांच्या खात्यावर थेट २ हजार रुपये जमा झाले आहेत. यावेळी पंतप्रधान मोदी यांनी शेतकऱ्यांना सक्षम करून त्यांचे उत्पन्न वाढविणार असल्याची भावना गोरखपूर येथे राष्ट्रीय किसान संमेलनाच्यावेळी व्यक्त केली. या संमेलनात एका क्लिकवर देशातील १ कोटी १ लाख शेतकऱ्यांच्या बँक खात्यात प्रत्येकी दोन हजार असे एकूण २१ हजार कोटी रुपये जमा करण्यात आले. ‘राष्ट्रीय किसान सन्मान निधी योजने’चा पहिला हफ्ता रविवारी देण्यात आला असून, पुढील रक्कम दोन हफ्त्यात मिळणार आहे.