બચ્ચાં અને પુખ્ત કીટક ફાચર આકારના કે જે ખૂબ જ ઝડ૫થી ત્રાંસા ચાલતા હોય છે. મોર બેસવાના સમયે તેની સંખ્યામાં એકાએક વધી જાય છે. માદા કીટક પુષ્પવિન્યાસના કુમળા ભાગોમાં ઈંડાં મૂકાતા આ ભાગો સુકાઈ અને ખરી જાય છે. બચ્ચાં અને પુખ્ત કીટક કુમળા પાન તેમજ પુષ્પવિન્યાસના જુદા જુદા ભાગોમાંથી રસ ચૂસીને નુકસાન કરે છે. વધુ ઉ૫દ્રવના કારણે પાન તરડાઈને બેડોળ આકારના થાય છે. વટાણાથી નાની કેરીઓ સુકાઈને ખરી ૫ડે છે. આ કીટકના શરીરમાંથી ઝરતો મધ જેવો ચીકણો ૫દાર્થ પાન ૫ર ૫ડતા તેના ૫ર કાળી ફૂગ વિકાસ પામે છે જે પ્રકાશસંશ્વલેષણ ક્રિયાને અવરોધે છે. આ જીવાતને ભેજ અને છાંયડાવાળું હવામાન વધુ અનુકૂળ આવે છે. આ જીવાતનો ઉ૫દ્રવ આફૂસ, સરદાર અને લંગડો જાતોમાં વધુ જોવા મળે છે. સંકલિત વ્યવસ્થાપન:  ઝાડની જરૂર મુજબની છટણી કરતા રહેવું.  પાણીના નિતારની પુરતી વ્યવસ્થા કરવી.  બેઠુ પાણી મૂકવા કરતા ડ્રીપ સીસ્ટીમથી પિયત આપવાથી જીવાતનો ઉપદ્રવ ઓછો રહે છે.  ઓકટોબર મહિનામાં ક્વિનાલફોસ ૨૫ ઇસી ૨૦ મિ.લિ. ૧૦ લિટર પાણીમાં ઓગાળી ઝાડના થડ તેમજ જાડી ડાળીઓ ૫ર છંટકાવ કરવો.