हि एक संपूर्ण देशभरात आढळणारी आंब्याची एक प्रासंगिक परंतु अत्यंत हानिकारक कीड आहे. तसेच अंजीर, रबर, जॅक, नीलगिरी इत्यादी पिकांवर देखील प्रादुर्भाव आढळून येतो. हे बीटल जुलै-ऑगस्टमध्ये दिसून येतात. सप्टेंबर-ऑक्टोबर दरम्यान मध्यम तापमान आणि मध्यम आर्द्रता असल्यास याचा प्रादुर्भाव वाढतो. जीवनचक्र:- • या किडीचा अंडी कालावधी ७-१३ दिवस असतो. • अळी अवस्था ते कोषावस्था हा कालावधी साधारणतः १४० - १६० दिवसांचा असतो. • जमिनीमध्ये कोषावस्था सुमारे २०-२५ दिवस असते. • प्रौढ अवस्था साधारणतः १२० -२७० दिवसांत दिसून येते. • एका वर्षात या किडीची एकच पिढी असते.