બકરાંની ખરીદી પશુ-ચિકિત્સકની સલાહ અનુસાર કરવી જોઇએ. જેને પહેલેથી જ સંતતિ હોય તેવી બકરીની ખરીદી કરવી ઉચિત છે. • જ્યારે બકરાંની જાતની પસંદગી કરતા હોવ ત્યારે, જોડિયા બચ્ચા આપતી જાતની બકરી ખરીદવાની સલાહ આપવામાં આવે છે. દૂધાળી બકરીની પસંદગી કરતી વખતે ઉંમર, બચ્ચા પેદા કરવાની સંખ્યા, દૂધની ગુણવત્તા વિગેરે જેવા પરિબળો ધ્યાનમાં રાખવા જોઇએ. દૂધ આપતી બકરી સ્થૂળ કે નીરસ ન હોવી જોઇએ. તે ચળપ(સ્ફૂર્તિપૂર્ણ) હોવી જોઇએ. • બકરાંનો ઉછેર કરવાની સફળતા પ્રજનન કરવા માટે લેવાતી બકરી અને તેની પ્રજનનક્ષમતા પર આધારિત છે, આથી જ બકરા ઉછેર માટે યોગ્ય જાતની બકરીની પસંદગી કરવાની ભલામણ કરવામાં આવે છે. • પસંદગી કરેલ બકરી કદાવર શરીરવાળી હોવી જોઇએ. તેની ડોક પાતળી હોવી જોઇએ. પગથી માથા સુધીની લંબાઇ એક મહત્વની લાક્ષણિકતા છે. તેના વાળ મુલાયમ અને ચળકતા હોવા જોઇએ. તેનો બાંધો કદાવર હોવો જોઇએ. • શક્ય હોય ત્યાસુધી, એવી બકરી ખરીદો જે એક કે બે વર્ષની હોય (અને જેને બે કે ચાર દાંત હોય). તેના પગ સીધા હોવા જોઇએ અને ખરી(એડી) ઊંચી હોવી જોઇએ. ચરણ દરમિયાન વધુ અંતર કાપવા માટે મજબૂત પગ ઉપયોગી છે