તડતડીયાં: બચ્ચાં તેમજ પુખ્ત બંને આછા લીલા રંગના, જે ત્રાંસા ચાલે છે. છોડને સહેજ હલાવતાં પુખ્ત ઉડે છે. બચ્ચાંને પાંખો હોતી નથી. બચ્ચાં અને પુખ્ત માદા પાનની નીચેની સપાટીએ રહી રસ ચૂસી નુકસાન કરે છે. વધુ ઉપદ્રવ હોય તો પાન કોડિયા જેવા થઇ જાય છે. સંકલિત વ્યવસ્થાપન: o વધુ ઉપદ્રવ જણાય તો ડાયમિથોએટ ૩૦ ઈસી ૧૦ મિ.લિ. અથવા ફોસ્ફામિડોન ૪૦ એસએલ ૧૦ મિ.લિ. અથવા મોનોક્રોટોફોસ ૩૬ એસએલ ૧૦ મિ.લિ. ૧૦ લિટર પાણીમાં ઉમેરી છંટકાવ કરવાથી સારું નિયંત્રણ મળે છે. o પાકની વાવણી પહેલાં કાર્બોફ્યુરાન ૩ જી ૩૦ કિ.ગ્રા. અથવા ફોરેટ ૧૦ જી ૧૦ કિ.ગ્રા./હે ચાસમાં આપવાથી પાકને શરૂઆતની અવસ્થામાં તડતડિયાંનાં નુકસાનથી બચાવી શકાય. જો ઉભા પાકમાં આ જીવાતનો ઉપદ્રવ જોવા મળે તો ડાયમિથોએટ ૩૦ ઇસી ૧૦ મિ.લિ. અથવા ફોસ્ફામિડોન ૪૦ એસએલ ૧૦ મિ.લિ. અથવા થાયામેથોકઝામ ૨૫ ડબલ્યુજી ૪ ગ્રામ અથવા ઇમિડાક્લોપ્રીડ ૧૭.૮ એસએલ ૪ મિ.લિ. અથવા ફ્લોનિકામીડ ૫૦ ડબલ્ય.પી. ૪ ગ્રામ ૧૦ લિટર પાણીમાં ભેળવી છંટકાવ કરવો. થ્રીપ્સ: બચ્ચાં અને કાળા રંગના પુખ્ત બંને પાન ઉપરાંત ફૂલ અને કળીઓમાં ઘસરકા પાડી તેમાંથી નીકળતું પ્રવાહી ચૂસે છે. જેથી ફૂલ અને કળીઓ ફલીનીકરણના અભાવે સૂકાઈને ખરી પડે છે અને ઉત્પાદન પર સીધી અસર પડે છે. સંકલિત વ્યવસ્થાપન: o ઉપદ્રવની શરૂઆતમાં લીમડાની લીંબોળીની મીંજનો ભૂકો ૫૦૦ ગ્રામ (૫% અર્ક) અથવા લીમડા આધારિત તૈયાર દવા ૨૦ મિ.લિ. (૧ ઈસી) થી ૪૦ મિ.લિ. (૦.૧૫ ઈસી) ૧૦ લિટર પાણીમાં ઉમેરી છંટકાવ કરવો. o એસીફેટ ૭૫ એસપી ૧૫ ગ્રામ અથવા ટ્રાયઝોફોસ ૪૦ ઈસી ૨૦ મિ.લિ. અથવા ડાયફેન્થુરોન ૫૦ ડબલ્યુપી અથવા ફીપ્રોનીલ ૫ એસસી ૧૦ મિ.લિ. અથવા ઇથીયોન ૫૦ ઇસી ૧૦ મિ.લિ. અથવા સ્પીનોસાડ ૪૫ એસ.પી. ૪ મિ.લિ. ૧૦ લિટર પાણીમાં ભેળવી છંટકાવ કરવો.