નવી દિલ્હી: સ્થાનિક બજારમાં ડુંગળીની અછતને ધ્યાનમાં રાખીને સરકાર 4000 ટન વધુ ડુંગળીની આયાત કરી રહી છે. જાહેર ક્ષેત્રની કંપની એમએમટીસીએ તુર્કીથી 4,000 ટન ડુંગળી આયાત કરવાનો બીજો આદેશ આપ્યો છે. આયાતનો આ માલ જાન્યુઆરીના મધ્ય સુધીમાં પહોંચવાની ધારણા છે. કેબિનેટે સ્થાનિક બજારમાં ડુંગળીની અછતને ધ્યાનમાં રાખીને 1.2 લાખ ટન ડુંગળીની આયાતને મંજૂરી આપી હતી. તેમાંથી 21,000 ટનથી વધુ ડુંગળીની આયાત કરાર પર હસ્તાક્ષર થયા છે. ગ્રાહક બાબતોના વિભાગે એમએમટીસીને ડુંગળીની આયાત માટે વધુ ત્રણ ટેન્ડર બહાર પાડવાનો નિર્દેશ પણ આપ્યો છે, જેમાંથી બે ઓર્ડર તુર્કી અને યુરોપિયન યુનિયનને આપવામાં આવ્યા છે જ્યારે બીજો વૈશ્વિક ટેન્ડર છે. આ દરેક ટેન્ડર 5,000 ટન ડુંગળી માટે છે.