👉 મોટાભાગના લોકોને ફરિયાદ હોય છે કે તેમની બાઇક અથવા સ્કૂટી માઇલેજ નથી આપતા. ઘણીવાર તેઓ આ સમસ્યા થતાં સર્વિસ સેન્ટર પહોચી જાય છે. પરંતુ સમસ્યા દૂર નથી થતી. હકીકતમાં પેટ્રોલ દિવસેને દિવસે મોંઘુ થઇ રહ્યું છે અને લોકોની મુશ્કેલી વધી રહી છે. તેવામાં તમે આ 7 સ્ટેપ્સ ફોલો કરીને પોતાના ટુવ્હીલરની માઇલેજ વધારી શકો છો. સ્પીડનું રાખો ધ્યાન 👉 બાઇકથી મુસાફરી કરી રહ્યાં હોય તો સૌથી પહેલા સ્પીડનું ધ્યાન રાખો. એક સમાન સ્પીડમાં ચલાવવાનો પ્રયાસ કરો. મોટાભાગે લોકો બાઇકને ક્યારેક ફુલ સ્પીડમાં તો ક્યારે બિલકુલ સ્લો સ્પીડમાં ચલાવે છે. સતત ગિયર ચેન્જ કરવાથી ઓયલનો વપરાશ વધે છે. તેથી સ્પીડનું ધ્યાન રાખીને બાઇકની માઇલેજ વધારી શકાય છે. ઓવર લોડ: 👉 તમે ટુ-વ્હીલર પર જેટલું વજન આપો છો, એન્જિન પર વધુ પ્રેશર વધશે. એન્જિન પર વધતા દબાણને કારણે પેટ્રોલનો વપરાશ વધુ થશે. તેથી હંમેશાં ફક્ત બે જ લોકો ટુ વ્હીલર પર મુસાફરી કરે છે. ટ્રિપલિંગ એ દરેક રીતે ટુ-વ્હીલરને નુકસાનકારક છે. આ ટ્રાફિકના નિયમની વિરુદ્ધ છે અને ટુ-વ્હીલર પર ત્રણ લોકો સવારી કરતા એન્જિન વધારે ઓયલનો વપરાશ કરે છે. ટાયરમાં હવા તપાસો: 👉 ટાયરમાં હવા ઓછી હોવાને કારણે ઘણી વખત બાઇકનું માઇલેજ ઓછું થઈ જાય છે. ખાસ કરીને ઉનાળામાં આવી સમસ્યા વધુ આવે છે. તેથી અઠવાડિયામાં એકવાર ટાયરની એર તપાસો. આ સિવાય બાઇકના ટાયરમાં નાઇટ્રોજન ગેસ ભરાવો જોઈએ. કારણ કે નાઇટ્રોજન ગેસ ટાયરને ગરમ થવા દેતો નથી. બાઇકને તડકામાં રાખવાનું ટાળો. ઇકોનોમી મોડનું ધ્યાન રાખો: 👉 તમામ ટુ-વ્હીલર સ્પીડોમીટરમાં ઇકોનોમી મોડ ઉપલબ્ધ છે. આ માઇલેજ સુધારવા માટે વપરાય છે. તો બાઇક ઘરેથી લઈ જતા સમયે સ્પીડોમીટરમાં ઇકોનોમી મોડના નિશાનને ધ્યાનમાં રાખીને બાઇક ચલાવો. આ મોડમાં બાઇક ચલાવશો તો તે વધુ માઇલેજ આપે છે. એર ફિલ્ટરને નિયમિતપણે સાફ કરો: 👉 બાઇકની એન્જિનમાં હવા એ એર ફિલ્ટરમાંથી પસાર થાય છે. ફિલ્ટર ગંદુ હોય તો એન્જિનને પૂરતી હવા મળતી નથી. જે બાઇકની પરફોર્મન્સ તેમજ માઇલેજને અસર કરે છે. તેથી, બાઇકના એર ફિલ્ટર્સને સમય સમય પર સાફ રાખવું મહત્વપૂર્ણ છે. ઘણી વાર બાઇકનો સ્પાર્ક પ્લગ ગંદો થઈ જાય છે, જેના કારણે બાઇકમાંથી ધુમાડો નીકળવાનું શરૂ થાય છે. આ બાઇકના માઇલેજને અસર કરે છે. બાઇકને લો RPM પર રાખો: 👉 તમારી બાઇકનું માઇલેજ તમારી સુવિધા અને તમારા બજેટ માટે ઘણું મહત્વનું છે. તેથી હંમેશા તમારી બાઇકના આરપીએમને ઓછામાં ઓછું રાખો. તે જ સમયે, યોગ્ય સ્પીડ અને સમય પર ગિયર બદલવાથી, બાઇકનું માઇલેજ વધશે. જો બાઇકની રેસ વધુ હશે તો ફ્યૂલનો વપરાશ વધુ થશે. તેથી, બાઇકમાં બિનજરૂરી રેસ આપવાનું ટાળો. સમયસર સર્વિસ જરૂરી 👉 બાઇકની માઇલેજ સરળતાથી વધારવા માટે બાઇકની નિયમિત સર્વિસ કરાવવી જોઇએ. નિયમિત સમયમાં એન્જિન ઓયલ બદલો. એન્જિનનું પરફોર્મન્સ સારું રહે અને એન્જિનના કંપોનન્ટ ઝડપથી ઘસાય નહીં, તે માટે ઓયલમાં વધુ લુબ્રિકિટી હોવું ખૂબ જ મહત્વપૂર્ણ છે. 👉 એગ્રોસ્ટાર કૃષિ જ્ઞાન ને ફોલો કરવા માટે ulink://android.agrostar.in/publicProfile?userId=558020 ક્લિક કરો. સંદર્ભ : GSTV, આપેલ માહિતી ને લાઈક 👍કરી વધુ ને વધુ શેર કરી અન્ય મિત્રો ને માહિતીગાર કરો.