3. अन्नद्रव्ये व्यवस्थापन- पारंपारिक शेती उत्पादनात खतांचा वापर शास्रशुद्ध न होता असंतुलित होताना दिसते. मुख्य बाब यापूर्वी खतांचा असणारा तुटवडा गेल्या काही दिवसांपासून कमी जाणवतो त्यामुळे संतुलित खत वापर होणे गरजेचे आहे. कपाशी लागवड करतेवेळी गावखत किंवा शेणखत पसरावे, पेरणी वेळी नत्र, स्पुरद आणि पालाश तिन्ही मिक्स खत वापरावे. पहिल्या निंदनी च्या वेवेळी नत्रयुक्त खताचा एक हात सोबत लाल्या प्रतिबंधक मॅग्नेशियम सल्फेट वापरावे. फुल-पाते गळ होऊ नये म्हणून तिसरा खतांचा डोस ज्यामध्ये नत्र, स्पुरद आणि पालाश सोबत सुक्ष्म अन्नद्रव्ये मिश्रण घ्यावे. जमिनीतील अन्नद्रव्ये जितकी महत्वाची तितकेच फवारणीद्वारे आवश्यकता नुसार अन्नद्रव्ये दिल्यास फायदा निश्चित होईल. 4. किड-रोग प्रतिबंधक नियंत्रण- कापूस उगवण झाल्यापासून टप्प्या-टप्प्याने विविध किडींचा प्रादुर्भाव होतो जसे कि सुरवातीला पांढरी माशी आणि तुडतुडे, फुलोऱ्यात थ्रीप्स व बोंड पक्वतेवेळी पुन्हा पांढरी माशी इत्यादी मग या पिक वाढीच्या अवस्थांमध्ये किड येण्यापूर्वीच फवारणी केल्यास मोठ्या प्रमाणात नुकसान टळू शकेल. बोंड अळी येऊ नये यासाठी कामगंध सापळे एकरी 6 ते 8 लागवडी नंतर 30 दिवसांनी लावावे. सोबतच फुलोरा अवस्थेत अळीनाषक फवारणी दोनदा करावी. 5. पातेगळ व्यवस्थापन- सर्वात शेवटी परंतु महत्वाचे म्हणजे झाडावरील पाते गळून न देता बोंड धारणा होणे आवश्यक आहे. पाते गळ होण्यास कारणे अतिवृष्टी झाल्यास जमिनीत वाफसा न येणे, मुळीकडून अन्नद्रव्ये अपटेक न होणे, रस सोषक किडींचा प्रादुर्भाव जास्त असणे, ढगाळ हवामान आणि पावसाचे पाणी पात्यामध्ये जाऊन पाते सडणे इत्यादी असू शकतात. यावर उपाय म्हणून एकात्मिक व्यवस्थापन होणे गरजेचे आहे जसे कि कपाशीची उंची जास्त वाढू न देणे, खतांची मात्रा देणे, फवारणीद्वारे बोरॉन व कॅल्शियम वापरणे. पिकाचे अन्नद्रव्ये संतुलित करण्यासाठी नॅपथॅलीक ऍसिड सारख्या संप्रेरकाची फवारणी घ्यावी. वरील प्रमाणे आपण पंचसूत्रीचा अवलंब करून उत्पादन वाढू शकतो कापसाच्या आणि इतर पिकांच्या अधिक माहितीसाठी अॅग्रोस्टार च्या टोल फ्री नंबर 1800 3000 7345 वर मिस्ड कॉल करा.