➡️राज्य सरकार नेहमी शेतकऱ्यांसाठी कोणती ना कोणती योजना उपलब्ध करून देते. याचा फायदा शेतकऱ्यांना शेती उपयोगी कामात होताना दिसतो. या मशिनद्वारे कमी प्रमाणात पाऊस, अधिक प्रमाणात पाऊस, पावसाचा खंड असेल तरीही बीबीएफ (BBF) यंत्राद्वारे शेतीचे काम उत्तमोत्तम होताना दिसते. या योजनेच्या माध्यमातून हे यंत्र खरेदीसाठी किती अनुदान लागेल याबाबत माहिती या लेखात देण्याचा प्रयत्न केला आहे. ➡️बीबीएफ यंत्र योजनेद्वारे मिळणार एवढे अनुदान आर्थिकदृष्ट्या कमकुवत असलेल्या अत्यल्प आणि अल्पभूधारक शेतकऱ्यांना या योजनेचा लाभ मिळवता येणार आहे. अशातच मूळ यंत्राच्या किंमतीतून ५० % दरात सूट मिळेल. यासाठी हा अर्ज करायचा असेल तर www. mahadbt.Com या लिंकवर जाऊन आपण अर्ज भरू शकता. ➡️उद्दिष्टे रूंद वाफा व सरी (बीबीएफ) तंत्रज्ञानाचा वापर वाढवून शेतकऱ्यांचा उत्पादन खर्च कमी करणे व पिकाच्या उत्पादकतेत वाढ करण्यास मदत करणे. अधिक पाऊस झाल्यास किंवा कमी वेळेत अधिक पाऊस झाल्यास त्याचा निचरा अतिशय योग्य प्रकारे करण्यास मदत होते यामुळे अधिक पावसात पाणी साचून पिकांचे होणारे नुकसान टाळता येते.यंत्राचा वापर केल्यामुळे पेरणीसाठी कमी वेळ लागतो. योग्य प्रकारे दोन ओळीतील अंतर ठेवल्यास आंतरमशागतही करता येते. त्याचप्रमाणे या यंत्राचा लाभ मिळविण्यासाठी खालीलप्रमाणे ऑनलाईन अर्ज करावा. ➡️ऑनलाईन अर्ज करून मिळवा या योजनेचा लाभ इच्छुक शेतकऱ्यांनी नानाजी देशमुख कृषि संजीवनी प्रकल्पाच्या www. MahaDBT.com संकेतस्थळावर समूह सहाय्यकाच्या मदतीने नोंदणी करून अर्ज करावा, तसेच आवश्यक कागदपत्रे ऑनलाईन अपलोड करावीत. पूर्वसंमती प्राप्त झाल्यानंतर ४५ दिवसांच्या आत सदर घटकाची अंमलबजावणी करणे आवश्यक आहे. 👉🏼संदर्भ:- Agrostar हि उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.