గురు జ్ఞాన్అద్బుతమైన ఆగ్రోస్టార్ వ్యవసాయ శాస్త్ర కేంద్రం
విత్తే కాలం, పంట దూరం మరియు విత్తన రేటు తెగుళ్లపై ఎలా ప్రభావం చూపుతాయి
• విత్తనాలు / మొక్కలు దగ్గరగా నాటడం వల్ల పంటలలో తెగుళ్ల సంభవం ఎక్కువగా ఉంటుంది.
• మొక్కలను దగ్గరగా నాటడం వల్ల తగినంత సూర్యరశ్మి మొక్కకు అందక తేమ పెరుగుతుంది, ఇది తెగుళ్ల అభివృద్ధికి అనుకూలమైన పరిస్థితిని కలుగజేస్తుంది.
• వరి నాటుకునేటప్పుడు రెండు వరుసల మధ్య దూరం తక్కువగా ఉండడం వల్ల, దోమ మరియు ఆకు ముడత పురుగు యొక్క జనాభా ఎక్కువగా ఉంటుంది.
• రెండు అడ్డు వరుసల మధ్య తక్కువ దూరంలో చెరుకు పంటను విత్తినట్లయితే చెరకు పంటలో కాండం తొలుచు పురుగుల ముట్టడి చాలా ఎక్కువగా ఉంటుంది.
• ప్రత్తి పంటలో రెండు మొక్క వరుసల మధ్య దూరం తక్కువగా ఉన్నట్లయితే వివిధ రకాల రసం పీల్చు పురుగులు ముట్టడి పెరుగుతుంది.
• వేరుశనగ పొలంలో మొక్కలు దగ్గరగా నాటడం వల్ల పేనుబంక పురుగుల ముట్టడి తగ్గుతుంది.
• విత్తే కాలంలో మార్పు వివిధ తెగుళ్ళపై ప్రభావం చూపుతుంది.
• అక్టోబర్ మొదటి పక్షంలో ఆవాలు పంట విత్తినట్లయితే, పేనుబంక మరియు సాఫ్ ఫ్లై సంక్రమణ చాలా తక్కువగా ఉంటుంది.
• త్వరగా నాటిన జొన్న పంటలో షూట్ ఫ్లై వల్ల కలిగే నష్టం చాలా తక్కువగా ఉంటుంది.
• ఫిబ్రవరి రెండవ పక్షంలో నాటిన పేసర్లు మరియు మినుములు వంటి పంటలు తెగులు బారిన పడతాయి.
• డిసెంబరులో నాట్లు వేసిన క్యాబేజీ పంటను పేనుబంక పురుగులు దెబ్బతీసే అవకాశం ఉంటుంది.
• త్వరగా (మే చివరి వారం) నాటిన ప్రత్తి పంటలో వివిధ రసం పీల్చే పురుగుల వల్ల కలిగే నష్టం చాలా తక్కువగా ఉంటుంది.
• ఆగస్టు మొదటి పక్షంలో నాటిన మొక్కజొన్న పంటలో కాండం తొలుచు పురుగు సంభవం చాలా తక్కువగా ఉంటుంది.
• విత్తన రేటును సిఫారసు చేసినదానికంటే ఎక్కువగా విత్తడం వల్ల షూట్ ఫ్లై వల్ల కలిగే నష్టం పెరుగుతుంది.
• అందువల్ల, సిఫార్సు చేసిన సమయంలో విత్తడం, రెండు వరుసల మధ్య దూరం ఉంచడం మరియు వ్యవసాయ యూనివర్సిటీ మరియు వ్యవసాయ శాఖ ఇచ్చిన విత్తన రేటు ప్రకారం పంటలను విత్తి మీ పంటలను వివిధ తెగుళ్ళ నుండి రక్షించండి.
మూలం: అగ్రోస్టార్ అగ్రోనమీ సెంటర్ ఆఫ్ ఎక్సలెన్స్
ఈ సమాచారం మీకు ఉపయోగకరంగా ఉన్నట్లయితే, లైక్ చేయండి మరియు మీ స్నేహితులకు షేర్ చేయండి.