ఇటీ వల కాలంలో, రైతులు మట్టి ఆరోగ్యాన్ని నిర్లక్ష్యం చేస్తున్నారని వెల్లడయ్యింది..సేంద్రియ ఎరువులు అందుబాటులో లేకపోవడం,రసాయన ఎరువుల అసమతుల్య వినియోగం వంటివి మట్టి ఉత్పాదకతను తగ్గించేస్తున్నాయి.అందుకే ప్రతి రైతు, మట్టి నాణ్యతను ప్రతి రెండు సంవత్సరాలకు తప్పని సరిగా పరీక్షించాలి. మట్టి నమూనాను ఎలా తీసుకోవాలి? 1. మట్టి నమూనా కోత కోసిన తర్వాత కాని లేదా విత్తనం నాటే ముందు కాని మరియు రసాయనిక లేదా సేంద్రియ ఎరువులు వేసే ముందు కాని లేదా వేసిన మూడు నెలల తర్వాత కాని తీసుకోవాలి.భూసార పరీక్ష కోసం 1/2 కిలో మట్టి నమూనా అవసరం. 2. భూసార పరీక్ష కోసం, ఎకరా విస్తీర్ణంలో 8నుండి 10 చోట్ల మట్టిని అక్కడక్కడ స్వీకరించాలి. 3. నేల నమూనా తీసుకునేటప్పుడు,15 నుండి 20 సెంటీమీటర్ల వరకు "V”ఆకారంలో గొయ్యిని తవ్వి, గొయ్యికి ఒక వైపు 2 నుండి 3 సెం.మీ. మందపాటి మట్టి పొరను తీసుకోండి.