🪩આજકાળ ખેડૂતો રોકડિયા પાક પર વધુ ધ્યાન આપતાં થયા છે. તો બીજી તરફ ભણેલા ગણેલા લોકો પણ ખેતી તરફ વળ્યા છે. તેવામાં જો તમારી પાસે મોટું ખેતર નથી તો પણ તમે આ ખેતી કરીને લાખોની કમાણી કરી શકો છો. ઓછા રોકાણમાં વધુ નફો 🪩મોટાભાગના લોકો માને છે કે મોતી માત્ર દરિયાના ઊંડાણમાં જ પેદા થાય છે, પરંતુ એવું નથી. હવે રણમાં પણ મોતીની ખેતી થઈ રહી છે. કેટલાક લોકો પોતાના ઘરે મોતીની ખેતી કરીને સારો નફો કમાઈ રહ્યા છે. જેની માટે વધુ રોકાણ કરવાની જરૂર નથી. 🪩ખેડૂતો માત્ર 25 હજાર રૂપિયાનું રોકાણ કરીને 3 લાખ રૂપિયા સુધીનો નફો કમાઈ શકે છે. જણાવી દઈએ કે, મોતીમાંથી અનેક પ્રકારની મોંઘી જ્વેલરી બનાવવામાં આવે છે. જે આંતરરાષ્ટ્રીય બજારમાં કરોડોમાં વેચાય છે. કેવી રીતે થાય છે મોતીની ખેતી? 🪩ખેડૂતો છીપની મદદથી મોતીનું ઉત્પાદન કરી શકે છે. આ માટે 500 ચોરસ ફૂટમાં તળાવ કે ટેન્ક બનાવવાની રહેશે. સૌપ્રથમ છીપને પર્યાવરણને અનુરૂપ બનાવવા માટે 10 દિવસ માટે ઘરે બનાવેલા નાના તળાવમાં છોડી દેવામાં આવે છે. ત્યારબાદ સર્જરી કરીને તેમાં ન્યુક્લીયસ દાખલ કરીને તેને ત્રણ દિવસ સુધી એન્ટિબોડીમાં રાખવામાં આવે છે. ત્યારબાદ તમામ છીપને 12-13 મહિના સુધી તળાવમાં છોડી દેવામાં આવે છે. છીપમાંથી મોતી કાઢવાના કામમાં લગભગ 3 ગણો નફો થાય છે. ખેતી કરતા પહેલાં તાલીમ લેવી જરૂરી 🪩તળાવમાં લગભગ 100 છીપનો ઉછેર કરીને ઉત્પાદનમાં વધારો કરી શકાય છે. જોકે, આ માટે યોગ્ય તાલીમ મેળવવી જરૂરી છે. ઘણી સરકારી અને ખાનગી સંસ્થાઓ દ્વારા મોતીની ખેતી માટેના ટ્રેનિંગ પ્રોગ્રામ્સનું આયોજન કરવામાં આવે છે. આ તાલીમોનો લાભ લઈને ખેડૂતો તેમના નફામાં વધારો કરી શકે છે. કેટલી કમાણી થઈ શકે? 🪩એક છીપ તૈયાર કરવા માટે લગભગ 50 રૂપિયાનો ખર્ચ થાય છે. છીપ તૈયાર થયા પછી તેમાંથી બે મોતી નીકળે છે. એક મોતી 250થી 400 રૂપિયામાં વેચાય છે. જોકે, મોતીની કિંમત તેની ગુણવત્તા પર આધારિત છે. દા.ત, 500 છીપની ખેતી કરવા માટે અંદાજે રૂ. 25,000નો ખર્ચ થાય છે. જેના દ્વારા ખેડૂતો અંદાજે 1.25 લાખથી 3 લાખ રૂપિયાની કમાણી કરી શકે છે. 👉સંદર્ભ :- Agrostar ખેડૂત ભાઈઓ, તમને આ માહિતી કેવી લાગી? અમને💬 કોમેન્ટ કરી ને જણાવો અને આપેલ માહિતી ને લાઈક 👍 કરી વધુ ને વધુ ખેડૂત મિત્રોને ને શેર કરો.આભાર!