રૂ.૪૫૯૦ મેળવો દરમહિને
સમાચારએગ્રોસ્ટાર
રૂ.૪૫૯૦ મેળવો દરમહિને
👉અગત્યની બાબતો : - યોજનાનો લાભ લેવા માટે પોસ્ટ ઓફિસમાં બચત ખાતું હોવું જરૂરી છે. - આ સ્કીમનો લાભ લેવા અરજી ફોર્મ ભરો. અથવા સત્તાવાર વેબસાઈટ પરથી પોસ્ટ ઓફિસ માસિક આવક યોજનાનું ફોર્મ ડાઉનલોડ કરો. - તમારે ૨ પાસપોર્ટ સાઈઝના ફોટોગ્રાફ્સ આપવાના રહેશે. - આઈડી પ્રૂફ માટે આધાર કાર્ડ/ પાસપોર્ટ/ મતદાર કાર્ડ/ ડ્રાઈવિંગ લાઈસન્સમાંથી કોઈપણ એક ઓળખપત્ર આપવાનું રહેશે. - વ્યક્તિએ નોમિનીનું નામ પણ આપવું જોઈએ. - આ ખાતું ખોલવા માટે જરૂરી ઓછામાં ઓછા ૧૦૦૦ રૂ.છે, જે રોકડ અથવા ચેક દ્વારા ચૂકવી શકાય છે. વધારે માહિતી તમને નજીકની પોસ્ટ ઓફિસમાંથી પણ મળી શક્શે. 👉કેટલી રકમ જમા કરી શકાય ? જો તમારું ખાતું સિંગલ છે તો તમે વધુમાં વધુ રૂ. ૪.૫ લાખ સુધી રકમ જમા કરાવી શકો છો. તે જ સમયે, સંયુક્ત ખાતામાં મહત્તમ ૯ લાખ રૂપિયા સુધી જમા કરાવી શકો છો. આ યોજનામાં બાળકોના નામે ખાતું પણ ખોલવામાં આવી શકાય છે. જો કે, આ માટે માતાપિતા અથવા વાલીએ તેની સંભાળ લેવી પડશે. પછીથી, જ્યારે બાળક ૧૦ વર્ષની ઉંમરે પહોંચે છે, ત્યારે તે પોતે જ એકાઉન્ટ ચલાવી શકે છે. 👉કેવી રીતે ૫ હજાર આ યોજના હેઠળ મેળવી શકાય? આ યોજનામાં રોકાણ પર ૬.૬% વ્યાજ આપવામાં આવી રહ્યું છે. જો તમે એક જ ખાતા હેઠળ રૂ. ૪.૫ લાખનું રોકાણ કરો છો, તો હવે તમને વર્તમાન વ્યાજના દર પ્રમાણે વાર્ષિક રૂ. ૨૯૭૦૦ મળશે. બીજી બાજુ, જો તમે સંયુક્ત ખાતા હેઠળ ૯ લાખનું રોકાણ કરો છો, તો તમને ૫૯,૪૦૦ વર્ષનું વ્યાજ મળશે. એટલે કે, દર મહિને ૪,૯૫૦ રૂપિયાનું વળતર મળવાપાત્ર થાય. 👉પાકતી મુદત : આ યોજના માટે પાકતી મુદત ૫ વર્ષ સુધીની છે. ૫ વર્ષ પછી તમે ફરીથી આ યોજનામાં તમારી મૂડી રોકાણ કરી શકો છો. 👉ધ્યાનમાં રાખવાની બાબત : પાકતી મુદત પહેલાં તમારે નાણાં પાછા લેવા હોય, તો આ સુવિધા તમને એકાઉન્ટને ૧ વર્ષ પૂર્ણ થવા પર મળે છે. એકાઉન્ટ ખોલવાની તારીખથી ૧ વર્ષથી ૩ વર્ષ જૂનું એકાઉન્ટ થવા પર તેમાં જમા કરેલી રકમમાંથી ૨% બાદ કરીને બાકીની રકમ પાછી મેળવી શકાય છે. જો તમારું એકાઉન્ટ ૩ વર્ષથી વધુ જૂનું છે, તો તમને તેમાં જમા થયેલ રકમના ૧% કાપીને બાકીની રકમ તમને પાછી આપી દેવામાં આવે છે. સંદર્ભ : એગ્રોસ્ટાર આપેલ માહિતી ને લાઈક 👍કરી વધુ ને વધુ શેર કરી અન્ય મિત્રો ને માહિતીગાર કરો.
15
1
અન્ય લેખો