કેન્દ્ર સરકારે ખેડૂતોના હિતમાં ઘણી મહત્વપૂર્ણ યોજનાઓ ચલાવી છે. આ યોજનાઓની સહાયથી ખેડુતોને ખેતી કરવાનું સરળ બન્યું છે. આ યોજનાઓમાં કિસાન ક્રેડિટ કાર્ડ શામેલ છે. કેન્દ્ર સરકાર દ્વારા ખેડુતોને આપવામાં આવેલ કિસાન ક્રેડિટ કાર્ડ આ યોજનાને પીએમ કિસાન સન્માન નિધિ સાથે પણ જોડવામાં આવી છે આ કાર્ડની મદદથી ખેડુતોને ક્રોપ લોન આપવામાં આવે છે, જે 3 થી 4 ટકાના દરે ઉપલબ્ધ છે. આ યોજના હેઠળ 1.6 લાખ રૂપિયા સુધીની લોન ગેરંટી વિના ઉપલબ્ધ છે આ માટે, ખેડૂતોને કેટલાક મહત્વપૂર્ણ દસ્તાવેજોની જરૂર છે. આની મદદથી ખેડૂત સરળતાથી કિસાન ક્રેડિટ કાર્ડ માટે અરજી કરી શકે છે. આ ઉપરાંત ખેડૂત ઓનલાઈન અરજી પણ કરી શકે છે, ખેડૂત ઘરે બેઠા બેઠા તેમના મોબાઇલમાંથી ક્રેડિટ કાર્ડ માટે પણ અરજી કરી શકે છે. મોબાઇલની મદદથી કિસાન ક્રેડિટ કાર્ડ બનાવો : સૌ પ્રથમ, ખેડૂતોએ મોબાઇલમાં બ્રાઉઝર ખોલવું પડશે. આ પછી, કૃષિ અને ખેડૂત કલ્યાણ મંત્રાલયની વેબસાઇટએ https://eseva.csccloud.in/KCC/Default.aspx પર જવું પડશે. અહીં તમારે 'એપ્લાય ન્યુ કેસીસી' પર જવું પડશે. હવે સી.એસ.સી. આઈ.ડી. અને પાસવર્ડ પૂછવામાં આવશે, તે ભર્યા પછી, 'એપ્લાય ન્યૂ કેસીસી' પર ક્લિક કરવું. આ પછી, તમારે 'આધાર નંબર' ભરવો પડશે. નોંધ લો કે તે જ અરજદાર નો નંબર દાખલ કરો, જેનું નામ પીએમ કિસાન સન્માન નિધિ યોજના સાથે જોડાયેલું છે. આધાર નંબર ભરતાંની સાથે જ પીએમ કિસાન ફાઇનાન્સિયલ ડિટેલથી સંબંધિત માહિતી એક ફોર્મ સાથે તમારી સામે આવશે. અહીં તમારે 'ઇશ્યૂ ઓફ ફ્રેશ કેસીસી' પર ક્લિક કરવું પડશે. આ પછી, લોનની રકમ અને લાભાર્થી મોબાઇલ નંબર ભરવો પડશે. આ સાથે ગામનું નામ, ખાતા નંબર વગેરે વિશેની માહિતી ભરવાની રહેશે. તેને ભર્યા પછી, તમારે 'સબમિટ ડિટેલ્સ' પર ક્લિક કરવું. હવે તમારી સામે એક નવો ઈન્ટરફેસ ખુલશે, આમાં તમને ચુકવણી કરવાનું કહેવામાં આવશે. આ રીતે તમારું ખેડૂત ક્રેડિટ કાર્ડ તૈયાર થઈ જશે.