સલાહકાર લેખTV9 ગુજરાતી
મે માસમાં મગફળી, તલ અને કપાસ ના પાકમાં કરવાના થતા ખેતી કાર્યો !
👉 પાકના વાવેતર અને ઉછેર સમયે ઘણીવાર ખેડૂત મુંઝાતો હોય છે કે તેને શું કરવું? કેવી રીતે કરવું અને શું ન કરવું? ખેડૂત મિત્રોને જો ખેતીમાં શું કરવું? તેનો ખ્યાલ હશે તો તેમને ઉત્પાદન સારૂ મળશે અને શું ન કરવું? તેનો ખ્યાલ હશે તો તેને નુકશાન વેઠવાનો વારો નહિં આવે. તો, ચાલો જાણીએ કે ખેડૂતોએ મે માસમાં મગફળી, તલ, કપાસ અને જુવારના પાકમાં કયા ખેતી કાર્યો કરવા જોઈએ.
મગફળી:
👉 મગફળી ઉપાડ્યા પછી તે મગફળીના જ બીજનું તુરત વાવેતર કરવું નહિ. તેમનો ડોર્મંસી પીરીયડ પૂરો થયા પછી જ વાવેતર કરવું.
👉 જમીનમાં ભેજ હોય ત્યારે ઉનાળુ મગફળીને ઉપાડી ત્રણ ચાર દિવસ સુકાવા દેવા ત્યાર બાદ, પાથરા ફેરવી, ડોડવામાં 8 ટકા ભેજ હોય ત્યારે થ્રેસિંગ કરવું. અથવા તો થ્રેસીંગ બાદ એક બે દિવસ તડકામાં સૂકવવી.
👉 પાકની કાપણી બાદ ઝાડીયા-મુળિયા, કાંકરા વીણી જમીનને ચોખ્ખી કરો તથા ઊંડી ખેડ કરી જમીન તપવા દેવી જેથી જમીનજન્ય ફૂગ તથા જમીનમાં રહેલ જીવાતો સામે પછીના પાકને રક્ષણ મળે.
👉 આગોતરા વાવેતર માટે જમીનમાં ઢાળ હોય તો ઢાળની વિરુદ્ધ દિશામાં વાવેતર કરવું.
તલ:
👉 ઉનાળુ તલ પીળા પડી જાય પછી કાપણી કરી, ઉભડા કરવા.
👉 ઉભડા કર્યા બાદ 7 તથા 15 દિવસે એમ બે વાર ખેરવાની ભલામણ કરવામાં આવે છે.
👉 તલ ખેર્યા બાદ તેનું ગ્રેડીંગ કરી કોથળા ભરી ભેજ ના લાગે તે રીતે બરાબર સંગ્રહ કરવો.
કપાસ:
👉 જમીનને ખેડ કરી સમતલ બનાવો ઢાળ ઓછો કરો અને આ માસમાં સારું કોહવાયેલ છાણીયું ખાતર ચાસમાં ભરી દેવું.
👉 કપાસનું આગોતરું વાવેતર કરવું નહિ. તેમજ વાવેતર પહેલાં જમીનની ચકાસણી કરાવો.
👉 તમારી જમીન, પિયતની સગવડ અને શિયાળુ પાક કરવાનો છે કે નહિ તે અનુરૂપ જાત સારું ઉત્પાદન આપતી હોય તે જાતનું બિયારણ ચોમાસા પહેલા મેળવી લેવી.
👉 શક્ય હોય તો શેઢા-પાળા ઉપર રહેલ નિંદામણો તેમજ અન્ય બિનજરૂરી છોડનો નાશ કરવો.
👉 શેઢા-પાળા તેમજ જ્યાં ઢાંલીયા કીટક બેસતા હોય કે વધારે જોવા મળતા હોય ત્યાં ક્લોરોપાયરીફોર્સ ૧૦% ભૂકીનો છંટકાવ કરવો.
👉 એગ્રોસ્ટાર કૃષિ જ્ઞાન ને ફોલો કરવા માટે ulink://android.agrostar.in/publicProfile?userId=558020 ક્લિક કરો.
સંદર્ભ : TV9 ગુજરાતી.
આપેલ માહિતી ને લાઈક 👍કરી, કોમેન્ટ કરી વધુ ને વધુ મિત્રો ને શેર કરો.