ખેડૂતો મગફળીનો સારો ભાવ લેવા માટે કોઠારમાં મગફળી સંગ્રહ કરતા હોય છે. આ સંગ્રહ કરેલ મગફળીને ભોટવાથી નુકસાન થઇ શકે છે. ઈંડામાંથી નીકળેલ ઈયળ મગફળીના દાણા કે ડોડવામાં દાખલ થઇ દાણાના અંદરના ભાગને ખાઈને બોગદુ બનાવે છે. આ જીવાતનો ઉપદ્રવ કોથળામાં ફરતે અને મગફળીના ઢગલામાં ઉપરની ૫૦ સે.મી. ઊંડાઇ સુધી વધારે ઉપદ્રવ જોવા મળે છે. મગફળીના ડોડવાના ઝુંમખા બની જાય છે. વધારે ઉપદ્રવ થતા કોઠારમાં ગરમી અને ભેજનું પ્રમાણ વધે છે, જેના લીધે ફુગનોઉપદ્રવ થતો હોય છે. ઉપદ્રવિત મગફળી વેચાણ માટે યોગ્ય રહેતી નથી.