આ ઇયળ શરુઆતમાં છોડની ડૂંખમાં ઉપરી જઇ નુક્સાન કરે છે. ભીંડા લાગવાના શરુ થાય ત્યારે તે ફળમાં પેસી જઇ અંદરનો ગર્ભ ખાઇને નુકસાન કરતી હોય છે. પરિણામે, ભીંડા બેડોળ બની જતા વેચાણ માટે લાયક રહેતા નથી. ક્લોરાન્ટ્રાનીલીપ્રોલ ૧૮.૫ એસ.સી. ૩ મિલિ અથવા સાયાન્ટ્રાનીલીપ્રોલ ૧૦ ઓ.ડી. ૧૦ મિલિ પ્રતિ ૧૦ લિટર પાણીમાં ભેળવી છંટકાવ કરવો. જે ખેડૂતોએ ઓર્ગેનિક ખેતી કરતા હોય તેમણે બેસીલસ થુરીન્જીન્સીસસ નામના જીવાણુંનો પાવડર ૨૦ ગ્રામ અથવા બીવેરીયા બેસીયાના નામની ફૂગનો પાવડર ૪૦ ગ્રામ પ્રતિ ૧૦ લિટર પાણીમાં ભેળવી સાંજના સમયે છોડ બરાબર ભીંજાય તે રીતે છંટકાવ કરવો.