સામાન્ય રીતે સપ્ટેમ્બર થી ઓક્ટોમ્બર મહિનામાં ફળ ખરતા જોવા મળે છે . ફળ ખરવાનું મુખ્ય કારણ ફળ માંથી રસ ચુસનાર પતંગિયાનો વધતો ઉપદ્રુવ છે . સામાન્ય રીતે ફળો માં ૧૦ થી ૧૫ ટકા ફળ ખરવાનું કારણ આ રસ ચુસનાર પતંગીયા છે. (૧) પ્રકાશ પિંજર નો ઉપયોગ : જયારે ફળ પરિપક્વ થવાનો સમય હોય ત્યારે બગીચાના ચારે ખૂણા માં અને મધ્ય માં પ્રકાશના બલ્બ લગાવવા જોઈએ. તેના અસરકારક નિયંત્રણ માટે મરકયુરી નો બલ્બ લગાવી તેના નીચે પાણી માં કેરોસીન મિકસ કરી ને ભરેલું પાત્ર મુકવું . આ લાઈટ રાત ના ૧૦ થી ૧૧ વાગ્યા સુધી ચાલુ રાખવી. (૨) નારંગીના બગીચામાં આજુબાજુ ઉગતા નિંદામણ દુર કરવા. (૩) જો શક્ય હોય તો ફળને પરિપક્વ થવાના સમયે કાગળ થી ઢાંકવા જોઈએ. (૪)ફળ પાકવાના સમયે જ્યાં સુધી ઉતારવા લાયક ના બને ત્યા સુધી દર ૧૦ થી ૧૫ દિવસ ના અંતરે લીંબોળી નું તેલ ૫૦ મિલી પ્રતિ પંપ મુજબ છંટકાવ કરવો.