આ પાકમાં ખાસ કરીને મોલો-મશીથી વધારે નુકસાન થતું હોય છે. લીલા ધાણાનો ઉપયોગ આપણે રોજબરોજ કરતા હોવાથી તેના નિયંત્રણ માટે જો રાસાયણિક દવાઓના છંટકાવ કરવામાં આવે તો તેના અવશેષો રહી જવાથી તે સ્વાસ્થ્ય માટે જોખમકારક બને છે. આ માટે આની વાવણી કરતી વખતે બીજની માવજત (થાયામેથોકઝામ ૭૦ ડબલ્યુએસ ૪.૨ ગ્રામ/કિ.ગ્રા. બીજ પ્રમાણે) અવશ્ય કરવી અને પાકની શરુઆતની અવસ્થાએ આ જીવાત સામે રક્ષણ મેળવવું.