👉ધરૂવાડીયું એટેલે ''નર્સરી''. જે પાકોના બીજ સીધે સીધા ખેતરમાં વાવી ન શકાતા હોય તેવા પાકોના બીજને ખેતરના એકતરફી નાના વિસ્તારમાં એક સાથે વ્યવસ્થિત રીતે વાવીને છોડ ઉછેરવામાં આવે છે તેને ધરૂવાડીયું કહેવામાં આવે છે સામાન્ય. રીતે શાકભાજીના પાકો જેવા કે રીંગણ, મરચી, ટામેટી, કોબીજ, કોલીફલાવર, ડુંગળી કે જેના બીજ અતિ નાના અને હલકાં હોય છે તેની રોપણી માટે ધરૂ તૈયાર કરી ફેરરોપણી કરવામાં આવે છે. 👉ધરૂવાડીયાની જરૂરીયાત :- 👉શાકભાજી 🌱પાકો ના બીજ અન્ય પાકો ના બીજ કરતાં ખૂબ જ નાના અને હલકાં હોય જેથી તેને સીધેસીધા ખેતરમાં વાવી શકાતા નથી. કીડી જેવા નાના કીટકો પણ વાવ્યા પછી બીજને એક જગ્યાએથી બીજી જગ્યાએ ઢસડી જતાં હોય છે. ત્યારે બીજના ઉગાવા માટે તથા વૃધ્ધિ માટે ખાસ માવજતની જરૂર રેહતી હોય છે. 👉શાકભાજીના 🌱પાકોની સુધારેલી / સંકર જાતોના બીજ કિંમતી હોય છે જેથી પ્રત્યેક કિંમતી બીજના ઉગાવા માટે ખાસ માવજતની જરૂર પડતી હોય છે, જેથી 🌱ધરૂવાડીયામાં ધરૂના છોડ તૈયાર કરવા જરૂરી છે. 👉શરૂઆતમાં બહોળા વિસ્તારમાં એકલદોકલ છોડ ઉછેરી પાક તૈયાર કરવા કરતાં નાના વિસ્તારમાં ધરૂવાડીયું બનાવી વધારે કાળજીની તંદુરસ્ત છોડ તૈયાર કરી 🌱ફેરરોપણી કરવામાં ખર્ચ ઓછો આવે છે અને અનુકૂળતા વધારે રહે છે 👉ઉગાવા પછીની વૃધ્ધિ પ્રમાણમાં ધીમી હોય તેવા સંજોગોમાં શરૂઆતમાં વધુ કાળજી જરૂરી હોય ત્યારે ધરૂ ઉછેર કરવાથી જે ખેતરમાં રોપણી કરવાની હોય તે ખેતરને તૈયાર કરવાનો પૂરતો સમય મળી રહે, જેમ કે લીલો પડવાસ કરવાનો હોય તો તે માટે પુરતો સમય મળી રહે છે. 👉જમીનની તૈયારી :- ધરૂવાડીયા માટે પસંદ કરેલ જમીનને ઉનાળામાં ઉંડી ખેડ કરીને તપવા દેવી.જમીનને આડી–ઉભી બે ત્રણ વખત ખેડવી. 👉રાબીંગ કરવું :– જમીન ઉપર ઘઉંનું ભૂંસુ કે બાજરીનું કચરું અથવા નકામું ઘાસ પાથરી ૧પ સે.મી. જેટલો થર બનાવવો અને થરને પવનની વિરૂધ્ધ દિશામાં સળગાવવું જેથી જમીન ધીમે તાપે લાંબો સમય સુધી તપે, આને રાબીંગ કહેવામાં આવે છે. રાબીંગ કરવાથી જમીનમાં રહેલ ફૂગ, જીવાણું, કીટકોના કોશેટા, કૃમિ તેમજ 🌱નીંદણના બીજનું નિયંત્રણ કરી શકાય. 👉ધરૂ ઉછેરની પદ્ધતીઓ :- 1. દેસી – જમીનમાં ગાદી ક્યારામાં ધરૂ ઉછેર 2. આધુનિક પદ્ધતિ – પ્રો-ટ્રેમાં ધરૂ ઉછેર 👉સંદર્ભ :-Agrostar ખેડૂત ભાઈઓ, તમને આ માહિતી કેવી લાગી? અમને કોમેન્ટ કરી ને જણાવો અને આપેલ માહિતી ને લાઈક 👍 કરી વધુ ને વધુ ખેડૂત મિત્રોને ને શેર કરો.આભાર !