સલાહકાર લેખએગ્રોસ્ટાર એગ્રોનોમી સેન્ટર ઓફ એક્સિલેન્સ
ડાંગરમાં વિવિધ પ્રકારના ચૂસિયાનું વ્યવસ્થાપન !
• આ જીવાત બધે જ જોવા મળે છે પરંતું આ વર્ષે પણ તેલંગાણા રાજ્યમાં આ જીવાતનો ઉત્પાત (આઉટબ્રેક) તીવ્ર ગતિમાં જોવા મળ્યો છે અને કેટલાક ખેડૂતોએ પાક સળગાવી પણ દીધો છે.
• થડમાં બદામી કે સફેદ પીઠવાળા અને પાનના લીલા ચૂસિયા તેમની બન્ને અવસ્થાએ નુકસાન કરે છે.
• પાન કરતા થડ ઉપર રહી નુકસાન કરતા ચૂસિયાનું પ્રમાણ સવિશેશ જોવા મળે છે.
• પાન પીળા પડી બદામી કે ભૂખરા થઇ સુકાઇ જાય.
• પાક બળી (હોપર બર્ન) ગયો હોય તેવું દેખાય અને રોગ કુંડાળા રુપે આગળ વધે.
• ઉપદ્રવિત ક્યારીમાં કંટીમાં દાણા પોચા રહે કે ભરાતા નથી.
• વિષાણૂંજન્ય રોગ ‘ટુંગરો’ અને “ગ્રાસી સ્ટન્ટ”નો ફેલાવો કરે છે.
• તાપમાન અને ભેજ વધે તો જીવાત પણ વધે અને ઘટે તો જીવાતનું પ્રમાણ પણ ઘટે છે.
• વધુ ઉપદ્રવ દેખાતો હોય તો ક્યારીમાં પાણી નિતારી એકાદ અઠવાડિયા પછી પાણી ભરવું.
• વધુ પડતા નાયટ્રોજનયુક્ત ખાતરનો વપરાશ ન કરતા, ખાતર હપ્તામાં આપવું.
• દર વર્ષે આ જીવાતનો પ્રશ્ન રહેતો હોય તો શરુઆતથી લીમડાનું તેલનો છંટકાવ કરવો.
• ઉપદ્રવની શરુઆતે બાયોપેસટી સાઇડ જેવી કે બ્યુવેરિયા કે મેટારહીઝમનો છંટકાવ કરવો.
• ક્યારીના શેઢા-પાળા નિંદામણમૂક્ત રાખવા.
• નોઝલ થડ નજીક રાખીને દવાઓનો છંટકાવ કરવો.
• મીરીડ બગ્સ અને કરોળિયા આ જીવાતના પરભક્ષીઓ છે, તેમને સાચવવા.
• ક્યારીમાં પાણી નિતારી દાણાદાર દવા ફિપ્રોનીલ ૦.3 જીઆર ૧૬ કિ.ગ્રા. પ્રતિ હેક્ટરે આપવી.
• દાણાદાર દવા આપવાનું શક્ય ન હોય તો ક્લોથીયાનીડીન ૫૦ ડબલ્યુજી ૫ ગ્રામ અથવા ડીનેટોફ્યુરાન ૨૦ એસજી ૫ ગ્રામ અથવા ઇમિડાક્લોપ્રિડ ૭૦ ડબલ્યુજી ૪ ગ્રામ અથવા લેમડા સાયહેલોથ્રિન ૫ ઇસી ૫ મિલિ અથવા થાયોમેથોક્ષામ ૨૫ ડબલ્યુજી ૪ ગ્રામ અથવા ક્લોરપાયરીફોસ ૫૦% + સાયપરમેથ્રિન ૫% ઇસી ૧૦ મિલિ અથવા ઇથોપ્રોલ ૪૦% + ઇમિડાક્લોપ્રિડ ૪૦% ડબલ્યુજી ૩ ગ્રા અથવા ફિપ્રોનીલ ૪% + થાયામેથોક્ષામ ૪% એસસી ૨૦ મિલિ પ્રતિ ૧૦ લી પાણી પ્રમાણે છંટકાવ કરવો.
• દરેક છંટકાવ વખતે દવા અવશ્ય બદલવી.
👉 એગ્રોસ્ટાર કૃષિ જ્ઞાન ને ફોલો કરવા માટે ulink://android.agrostar.in/publicProfile?userId=558020 ક્લિક કરો.
👉 સંદર્ભ :એગ્રોસ્ટાર એગ્રોનોમી સેન્ટર ઓફ એક્સીલેન્સ.
આપેલ માહિતી ને લાઈક 👍કરી વધુ ને વધુ શેર કરો સાથે આ માહિતી કેવી લાગી નીચે કોમેન્ટ કરી જાણ કરશો.