સંકલિત વ્યવસ્થાપન: o નાઈટ્રોજનયુકત રાસાયણિક ખાતરો ભલામણ મુજબ ત્રણ હપ્‍તામાં આપવાં o ઉપદ્રવ જોવા મળે કે તરત જ કયારીમાંથી પાણી નિતારી નાંખવુ. o પાકમાં સતત મોજણી કરતા રહેવુ જેથી ચૂસીયાંના ઉપદ્રવની શરૂઆત થાય કે તુરત જીવાતગ્રસ્ત મર્યાદિત વિસ્તાર (સ્પોટ)માં જ જંતુનાશક દવા આપવી અને ખર્ચ ઘટાડવો. o જમીનમાં કાર્બોફ્યુરાન ૩જી અથવા ફીપ્રોનીલ ૦.૩ જીઆર ૨૦ થી ૨૫ કિ.ગ્રા અથવા ફોરેટ ૧૦ જી ૧૦ કિ.ગ્રા અથવા ક્લોરાન્ટ્રાનિલીપ્રોલ ૦.૫% + થાયામેથોક્ષામ ૧% જીઆર ૬ કિ.ગ્રા. પ્રતિ હેક્ટરે જમીનમાં આપવી. o પાકની પાછલી અવસ્થાએ જો દાણાદાર દવા આપવાનું શક્ય ન હોય તો એસીફેટ ૭૫ એસપી ૧૦ ગ્રામ અથવા ઈમિડાક્લોપ્રીડ ૧૭.૮ એસએલ ૩ મિ.લિ. અથવા ક્લોથીયાનીડીન ૫૦ ડબલ્યુજી ૫ ગ્રામ અથવા બુપ્રોફેઝીન ૨૫ એસસી ૨૦ મિ.લિ. અથવા ડાયનોટેફ્યુરાન ૨૦ એસજી ૪ ગ્રામ અથવા ફેનોબુકાર્બ ૫૦ ઈસી ૨૦ મિ.લિ. અથવા ફીપ્રોનીલ ૫ એસસી ૨૦ મિ.લિ. અથવા થાયામેથોક્ષામ ૨૫ ડબલ્યુજી ૨ ગ્રામ અથવા લેમડા સાયહેલોથ્રીન ૨.૫ ઈસી ૧૦ મિ.લિ. પ્રતિ ૧૦ લિટર પાણીમાં ભેળવી છંટકાવ કરવો. o આ કીટનાશક દવાનો છંટકાવ ચૂસીયાં ઉપરાંત ગાભમારાની ઈયળ અને પાનવાળનાર ઈયળ પણ અસરકારકરીતે નિયંત્રણ થાય છે. ડૉ. ટી. એમ. ભરપોડા ભૂતપૂર્વ કીટ વિજ્ઞાન પ્રોફેસર બી.એ. કોલેજ ઓફ એગ્રીકલ્ચર, આણંદ કૃષિ યુનિવર્સિટી, આણંદ - 388 110 (ગુજરાત ભારત)