સલાહકાર લેખએગ્રોસ્ટાર એગ્રોનોમી સેન્ટર ઓફ એક્સિલેન્સ
ડાંગરની પાન વાળનાર ઈયળ નું વ્યવસ્થાપન (આઇપીએમ) !
• ડાંગરમાં પાન વાળનાર ઇયળ (લીફ ફોલ્ડર)નો ઉપદ્રવ ઓગષ્ટના બીજા અઠવાડિયાથી શરુ કરી ઓક્ટોબર દરમ્યાન જોવા મળે છે. • ઇયળ પાનની બે ધારોને જોડી દઇ ગોળ ભૂંગળી બનાવી અંદર રહી નુકસાન કરે છે. • કેટલીક વાર પાનની ટોચ તેજ પાન સાથે જોડીને પણ ભૂંગળી બનાવતી પણ હોય છે. • આવી ભૂંગળીને ખોલશો તો તમને ખૂબ જ ચપળ, પીળાશ પડતી લીલા રંગની અને પાતળી ઇયળ જોવા મળશે. • નુકસાનથી પાન ઉપર પારદર્શક સફેદ ધાબા પડી જાય છે. • વધુ ઉપદ્રવ વખતે પાન સફેદ થઇ સુકાઇ જતા હોય છે. • આ ઇયળ મકાઇ, શેરડી અને જુવાર ઉપર પણ નુકસાન કરતી હોવાથી જો આપની ડાંગરની ક્યારી નજીક હોય તો ઉપદ્રવ વધી શકે છે. • આ જીવાતની ઇંડાં, ઇયળ અને કોશેટા અવસ્થા પાન ઉપર જ પસાર કરતી હોય છે. • ડાંગરનો પાક ન હોય તો આ જીવાત કેટલાક ઘાસ કે નિંદામણ ઉપર પોતાનું જીવનચક્ર ચાલુ રાખે છે. • જે વિસ્તારમાં ચોમાસુ અને ઉનાળામાં પણ ડાંગરનો પાક લેવાય ત્યાં ઉપદ્રવ સવિશેષ રહે છે. • વધુ પડતા નાયટ્રોજનયુક્ત ખાતરના વપરાશથી જીવાતનો ઉપદ્રવ વધે છે. • આ જીવાતનો ઉપદ્રવ 5 થી 10% જેટલુ થાય ત્યારે દવાકીય પગલાં અવશ્ય ભરવા. • ક્યારીના શેઢા-પાળા નિંદામમુક્ત રાખવા. • ઉપદ્રવિત પાન ભૂંગળી સહિત તોડી લઇ નાશ કરતા રહેવું. • કેટલાક ખેડૂતો ડાંગર ઉપર લાબુ દોરડુ ફેરવીને પણ આવી ભૂંગળીઓને પાડી દેતા હોય છે. • ઉપદ્રવની શરુઆતે બ્યુવેરિયા અથવા વર્ટીસીલીયમ, ફૂગ આધારિત પાવડર એક કિ.ગ્રા. પ્રતિ હેક્ટરે છંટકાવ કરવો. • જો દવાનો છંટકાવ અનૂંકુળ ન હોય તો દાણાદાર દવા જેવી કે ક્લોરાન્ટ્રાનીલીપ્રોલ ૦.૪ જીઆર 10 કિ.ગ્રા. અથવા કારટેપ હાઇડ્રોક્લોરાઇડ ૪% જીઆર ૧૮ કિ.ગ્રા. પ્રતિ હેક્ટરે ક્યારી આપવી. • દાણાદાર દવા આપ્યા પછી ક્યારીમાંથી પાણી નિતારવું નહિ. • જો દવાનો છંટકાવ કરવા માંગતા હો તો ક્લોરાન્ટ્રાનીલીપ્રોલ 18.5 એસસી ૩ મિલિ અથવા ક્લોરોપાયરીફોસ 50% + સાયપરમેથ્રિન 5% ઇસી ૧૦ મિલિ અથવા લેમબ્ડા સાયહેલોથ્રિન 5 ઇસી 10 મિલિ પ્રતિ 10 લી. પાણી પ્રમાણે છંટકાવ કરવો. • કરોળિયા, ડ્રેગનફ્લાય (વાણિયો), કેટલીક જાતની ભમરી અને દેડકા આ જીવાતના દુશ્મનો ગણાય. • આ દવાના છંટકાવથી ડાંગરમાં જો ગાભમારાની ઇયળનો ઉપદ્રવ હશે તો તે પણ કાબૂમાં આવશે. વંદે માતરમ સેલ ની એક ઝલક https://youtu.be/dZ1HRZ5PD9A 👉 એગ્રોસ્ટાર કૃષિ જ્ઞાન ને ફોલો કરવા માટે ulink://android.agrostar.in/publicProfile?userId=558020 ક્લિક કરો. 👉 સંદર્ભ : એગ્રોસ્ટાર એગ્રોનોમી સેન્ટર ઓફ એક્સીલેન્સ. આપેલ માહિતી ને લાઈક 👍કરી વધુ ને વધુ શેર કરો સાથે આ માહિતી કેવી લાગી નીચે કોમેન્ટ કરી જાણ કરશો.
14
2
અન્ય લેખો