નુકસાન: આ કીટ સમગ્ર વર્ષ દરમ્યાન સક્રિય રહે છે. તે નવેમ્બરથી માર્ચ મહિના સુધી ચણાના પાકને નુકસાન પહોંચાડે છે. શરૂઆતમાં તે પાંદડા ખાય છે પછી જ્યારે પોપટા આવે છે ત્યારે કાણું કરીને અડધી અંદર અને અડધી બહાર રહે છે. જે પાકને મોટા પ્રમાણમાં નુકસાન પહોંચાડે છે. ફળ છેદકને કારણે ઉત્પાદનમાં લગભગ 50 થી 60% જેટલું નુકસાન થાય છે. ચણા ઉપરાંત તુવેર, વટાણા અન્ય કૃષિ અને બાગાયતી પાક પર પણ નુકશાન કરે છે. જીવાતના ઇંડા: માદા ફળ છેદક જીવાતના ઈંડા છોડના કોમળ ભાગો પાંદડા અને ફૂલો પર એક-એક ચમકીલા, મલાઈ રંગના 500 થી 1000 ઇંડા મૂકે છે. આ ઇંડા 2 થી 3 દિવસમાંથી બહાર આવે છે. ઈયળ : ઇંડામાંથી બહાર આવ્યા પછી ઈયળ હળવા લીલા રંગની 2-2.5 મીમી લાંબી હોય છે. તે શરૂઆતમાં નરમ પાન પર જીવન વિતાવે છે અને શીંગ આવતા તેમાં પ્રવેશ કરી દાણાને ખાય છે. ઈયળ તેના જીવનકાળમાં ત્વચાને 4 વખત ઉતારે છે. તેને પૂર્ણ વિકાસ કરવામાં 20 થી 25 દિવસનો સમય લાગે છે. પૂર્ણ વિકસિત ઈયળની લંબાઈ 35 મીમી હોય છે. તેનો રંગ આછો લીલો અને પીળા રંગની લાઈન હોય છે. પ્યુપા (કોષિત અવસ્થા): પ્યુપામાં ફેરવાતા પહેલા પોપટા માંથી બહાર નીકળીને જમીનની અંદર 8 થી 12 સેન્ટિમીટર જઈ બને કોષ અવસ્થામાં રૂપાંતર કરે છે. પુખ્ત વય: પુખ્ત જીવાતનો રંગ આછો ભુરો સ્લેટીય હોય છે શરીર પર બદામી ભૂરા રંગના વાળ હોય છે. તેની લંબાઈ 20 થી 25 મીમી હોય છે.