મુંબઈ: 'આંતરરાષ્ટ્રીય કપાસ સલાહકારી સમિતિના અંદાજ મુજબ 2019-20 ની સીઝનમાં, વૈશ્વિક સ્તરે કપાસનું ઉત્પાદન 6 % વધીને 276 લાખ ટન જેટલું થશે. તાજેતરમાં, આ આંતરરાષ્ટ્રીય કપાસ સલાહકારી સમિતિએ એક અહેવાલ રજૂ કર્યો છે જેમાં વૈશ્વિક સ્તરે કપાસ ઉત્પાદન, તેના ઉપયોગો અને દર નો ઉલ્લેખ કરવામાં આવ્યો છે. વધુમાં કહેવામા આવ્યું છે કે કપાસનો વપરાશ 273 લાખ ટન જેટલો રહેશે. આની તુલનામાં જોઈએ તો, 2018-19 ની સીઝન દરમિયાન કુલ 260 લાખ ટન કપાસનું ઉત્પાદન થયું હતું અને આ સમયગાળા દરમિયાન વૈશ્વિક વપરાશ 268.7 લાખ ટનનો હતો.