⭐ફેબ્રુઆરી મહિનામાં વાવણી કર્યા પછી, ખેડૂતો માર્ચ-એપ્રિલમાં વાવવા માટે શાકભાજી તૈયાર કરે છે. જો શાકભાજીની ખેતી યોગ્ય રીતે અને સિઝન પ્રમાણે કરવામાં આવે તો સારી કમાણી કરી શકાય છે. પરંતુ ઘણી વખત એવું જોવા મળે છે કે આપણા ખેડૂત ભાઈઓ સિઝન પ્રમાણે શાકભાજીની ખેતીની યોગ્ય પસંદગી કરી શકતા નથી, જેના કારણે તેમને નુકસાન સહન કરવું પડે છે. આવી સ્થિતિમાં જો ખેડૂત ભાઈઓ સિઝન પ્રમાણે શાકભાજીનું વાવેતર કરે તો તેમાંથી તેઓ લાખોની કમાણી કરી શકે છે. 🥒કાકડીની ખેતીઃ તમે માર્ચ મહિનામાં કાકડી વાવીને ઉનાળામાં સારો નફો મેળવી શકો છો. ઉનાળામાં તેનો ઉપયોગ પેટમાં ઠંડક લાવે છે અને હીટ સ્ટ્રોકની શક્યતા પણ ઘટાડે છે. ગરમ અને શુષ્ક વાતાવરણ તેની ઉન્નત ખેતી માટે યોગ્ય છે. તેની ખેતી માટે, તમે અર્કા શીતલ, લખનૌ અર્લી, નાસદાર, સ્ટેમલેસ લોંગ ગ્રીન અને સિક્કિમ કાકડીમાંથી કોઈપણ અદ્યતન જાતો પસંદ કરી શકો છો. 🍅ટામેટાની ખેતીઃ ખેડૂતો આખા વર્ષ દરમિયાન ટામેટાંની ખેતી કરી શકે છે. કેટલાક વિસ્તારોમાં અતિશય ગરમીના કારણે વૃક્ષોને નુકસાન થાય છે. આવી સ્થિતિમાં ખેડૂતો કાશી જાતના ટામેટાંનું વાવેતર કરી શકે છે, જે ઊંચા તાપમાનનો સામનો કરી શકે છે. 🥦પાલકની ખેતીઃ માર્ચથી ગરમી વધે છે, તેથી ઉનાળામાં પાલકની માંગ ઘણી વધી જાય છે. પરંતુ મોટાભાગના ખેડૂતો પાસે સિંચાઈની શ્રેષ્ઠ સુવિધા ન હોવાથી મોટાભાગના ખેડૂતો પાલકની ખેતી કરી શકતા નથી. એટલા માટે જે ખેડૂતો પાલકની ખેતી કરે છે તેમને ખૂબ જ સારો ભાવ મળે છે. 🥬કોથમીરની ખેતીઃ માર્ચ મહિનામાં અને એપ્રિલ માસ દરમિયાન ધાણાની ખેતી કરી શકો છો. કારણ કે આ સિઝનમાં ધાણાની આવક ઘટી જાય છે, જેના કારણે તમને બજારમાં વધુ ભાવ મળી શકે છે. તમે તેના લીલા પાંદડાને બજારમાં વેચીને સારો નફો મેળવી શકો છો. આ ખેતીથી તમે સારી એવી કમાણી કરી શકો છો. ☘️કારેલાની ખેતીઃ ખાસ કરીને ઉનાળામાં એમાય માર્ચ મહિનામાં કારેલાનો પાક ખેડૂતો માટે પૈસાના વરદાન રૂપ સાબિત થાય છે. ઉનાળાની ઋતુમાં બજારમાં કારેલાની માંગ વધી જાય છે. જેથી ઉનાળામાં કારેલાની ખેતી ખેડૂતો માટે લાભદાયી સાબિત થશે. 🌿દૂધીની ખેતીઃ દૂધીને ઓછા પાણીનો પાક માનવામાં આવે છે, તેથી તમે માર્ચ-એપ્રિલ મહિનામાં તેની ખેતી કરી શકો છો. દૂધી સ્વાસ્થ્ય માટે ખૂબ જ સારી માનવામાં આવે છે અને તેને ઠંડુ પણ માનવામાં આવે છે. એટલા માટે લોકો ઉનાળામાં તેને વધુ ખાવાનું પસંદ કરે છે. તેની ખેતી માટે તમારે વધારે જમીનની પણ જરૂર નહીં પડે. તેની ખેતી ડુંગરાળ વિસ્તારોથી લઈને દક્ષિણ ભારતના રાજ્યોમાં થાય છે. તેની ખેતી માટે ગરમ અને ભેજવાળી આબોહવા જરૂરી છે. 👉સંદર્ભ : AgroStar ખેડૂત ભાઈઓ, તમને આ માહિતી કેવી લાગી? અમને💬 કોમેન્ટ કરી ને જણાવો અને આપેલ માહિતી ને લાઈક 👍 કરી વધુ ને વધુ ખેડૂત મિત્રો સાથે શેર કરો!! ધન્યવાદ