• पूर्वीच्या हंगामातील पिकावर घाटे अळीचा उपद्रव झालेला असल्यास अशा शेतात हरभऱ्याचे पिक घेऊ नये. त्या करीता खरीप हंगामात बाजरी ज्वारी अथवा भुईमुग असेल अशा शेतात हरभऱ्याचे पिक घ्यावे. • पेरणीपूर्वी उन्हाळ्यात जमिनीची कुळवाच्या एक दोन पाळ्या घ्याव्यात म्हणजे घाटे अळीचे जमिनीतील कोष पृष्ठभागावर येऊन त्यांचा सूर्याचा प्रखर उष्णतेने व पक्षापासून नाश होतो. • दुबार उगवलेल्या वनस्पती व धसकटे जाळून टाकावीत. • पेरणीसाठी शिफारस केलेल्या वाणांचाच वापर करावा उदा. विजय, दिग्विजय, जॅकी, विराट • पेरणी पूर्वी प्रती किलो बियाणास ४-५ ग्रॅम ट्रायकोडर्मा किंवा कार्बनडेन्झिम १.५ ते २ ग्रॅम प्रती किलो बियाणे बीजप्रक्रिया करावी.म्हणजे सुरवातीला मर रोगापासून पिकांचे संरक्षण होते.