जमीन :- हरभरा पिकास मध्यम ते भारी, पाण्याचा उत्तम निचरा होणारी, कसदार, भुसभुशीत जमीन आवश्यक असते. _x000D_ पूर्वमशागत :- हरभरा पिकासाठी जमीन जास्त भूसभुशित करण्याची आवश्यकता नसते. जमीन नांगरणी करून समतल करून घ्यावी._x000D_ लागवडीची वेळ :- हरभरा पिकाची साधारणतः १५ ऑक्टोबर ते १५ नोव्हेंबर दरम्यान केल्यास सर्वोत्तम राहते._x000D_ बियाणे :- हरभरा बियाण्याचे प्रमाण बियाण्याचा आकार, पेरणीच्या वेळी व जमिनीच्या सुपीकतेवर अवलंबून असते. देशी लहान दाणे असणाऱ्या वाणाचे ३० किलोग्रॅम / एकर, मध्यम आकाराचे ३५ किलोग्रॅम प्रति एकर तर मोठ्या आकाराच्या बियाणांची ४० किलोग्रॅम प्रति एकर बियाणे लागतात. _x000D_ बीजप्रक्रिया :- हरभरा पिकामध्ये मर किंवा मूळकूज या रोगांच्या प्रतिबंधात्मक नियंत्रणासाठी थायरम २ ग्रॅम + कार्बेन्डाझिम १ ग्रॅम या प्रमाणात प्रति किलो बियाण्यास किंवा ट्रायकोडर्मा ४ ग्रॅम + विटावॅक्स २ ग्रॅम या प्रमाणात प्रति किलो बियाण्यास बीजप्रक्रिया करावी. _x000D_ खत व्यवस्थापन:- पिकाच्या भरघोस उत्पादनासाठी लागवडीवेळी डी.ए.पी @५० किलो + म्यूरेट ऑफ पोटॅश @१५ किलो प्रति एकर पेरणी करतेवेळी द्यावे._x000D_ पाणी व्यवस्थापन :- हरभरा पिकास एक ते दोन पाण्याची आवश्यकता असते. पिकास पाणी जास्त झाल्यास पिकाची शाखीय वाढ अधिक होऊन उत्पादनात घट येते. लागवडीनंतर साधारणतः ४०-४५ दिवसानंतर पहिले पाणी द्यावे. तसेच ६०-६५ दिवसांनी दुसरे पाणी द्यावे._x000D_ पीक वाढीच्या अवस्थेत असताना शेंडे खुडून घ्यावेत त्यामुळे पिकामध्ये अधिक फुटवे आणि फुलधारणा होण्यासाठी मदत होते._x000D_ _x000D_ संदर्भ :- अॅग्रोस्टार अॅग्रोनॉमी सेंटर एक्सीलेंस_x000D_ जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!