बहुतेक वेळा, पिकातील किडींच्या समस्येमुळे शेतकरी अधिक त्रस्त असतात, कारण या रोगांचा पीक उत्पन्नावर फार वाईट परिणाम होतो. या समस्येपासून मुक्त होण्यासाठी इंडियन इन्स्टिट्यूट ऑफ टेक्नॉलॉजी (IIT Kharagpur) खड़गपुर यांनी पिकांवर होणा-या किडींची ओळख पटविण्यासाठी सक्षम असा रोबोट तयार केला आहे. 👉 काय आहे हा रोबोट? या रोबोटिक सिस्टममध्ये वाहन असेल, जे शेतात काम करेल. याशिवाय रोबोटमध्ये असे एक डिव्हाइसही असेल जे कॅमेरा धरु शकतील. त्यामध्ये कीटकनाशके फवारण्यासाठी एक नळीही देण्यात आली आहे. हे डिव्हाइस कॅमेरा आणि छायाचित्रांच्या माध्यमातून पिकावर होणारे रोग ओळखू शकते. याद्वारे आपण त्या रोगांचे नियंत्रण करू शकतो. याच्या मदतीने, शेतकरी योग्य प्रकारे पिकातील रोग ओळखू शकतील. पिकांवर कीटकनाशक फवारणी करताना शेतकर्‍यांच्या आरोग्याचे बरेच नुकसान होत असल्याचे आपण पाहतो. अशा परिस्थितीत हे डिव्हाइस शेतकऱ्यांना या समस्येपासून देखील वाचवेल. या डिव्हाइसचे डिझाईन मुंबईस्थित एका कंपनीने तयार केले आहे. 👉 हा रोबोट अशा प्रकारे कार्य करतो- या रोबोटिक सिस्टीममध्ये कॅमेरे, कीटकनाशक स्प्रे पाईप्स आणि इतर सामान आहेत. हे बॅटरीचलीत आहे. जर एकदा पूर्णपणे चार्ज केल्यानंतर सुमारे २ तास कार्य करू शकते. या डिव्हाइसमध्ये आपण नियंत्रण पॅनेलची बटणे वापरू शकता आणि रोबोट दूरस्थपणे नियंत्रित करू शकता.