पाने खाणारे अळी (स्पोडोप्टेरा), लष्करी अळी आणि केसाळ अळी याच्या अंड्यांमधून लहान लहान अळ्या पानाच्या खालच्या भागात राहतात आणि पानांतील हरितद्रव्ये खातात. • पाने अर्धपारदर्शक बनतात. • मोठ्या अळ्या पाने खातात आणि पानांमध्ये मोठ्या प्रमाणात अनियमित आकाराचे छिद्र करतात. • जास्त प्रादुर्भाव असल्यास पानांवर पूर्णपणे विकृती दिसून येते. • तसेच उंट अळ्या पानांवर राहते आणि पिकाला नुकसान करते. • पिकाभोवती एरंड रोपांची लागवड करावी. पाने खाणाऱ्या अळीचे प्रौढ पानांच्या खालच्या पृष्ठभागावर अंडी घालते. अशी अंडी पानावर दिसून आल्यास पाने काढून नष्ट करावीत. • पाने खाणार्‍या अळीचा एनपीव्ही (न्यूक्लियर पॉलिहेड्रोसिस व्हायरस) आता उपलब्ध आहे, अळीच्या नियंत्रणासाठी @२५० एलई प्रति हेक्टर ५०० लिटर पाण्यात फवारणी करावी. • सेंद्रीय पद्धतीने पीक घेणाऱ्या शेतकऱ्यांनी बॅसिलस थुरिंजेनिसिस, हि जिवाणूजन्य आधारित पावडर @ १५ ग्रॅम किंवा बव्हेरिया बॅसियाना हि बुरशी आधारित पावडर @ ४० ग्रॅम प्रति १० लिटर पाण्यामध्ये मिसळून फवारणी करावी. • निमार्क १% ईसी @२० मिली किंवा निमार्क ०.१५% ईसी @४० मिली प्रति १० लिटर पाण्यामध्ये मिसळून फवारणी करावी. • पिकामध्ये जास्त प्रादुर्भाव असल्यास क्लोरँट्रेनिलिप्रोल १८.५ एससी @३ मिली किंवा प्रोफेनोफॉस ५० ईसी @ १० मिली किंवा थायोमेथॉक्झाम १२.६% + लॅम्बडा सायहॅलोथ्रिन ९.५०% झेडसी @३ मिली किंवा इंडोक्साकार्ब १५.८ एससी @१० मिली किंवा फ्ल्युबेंडामाईड २० डब्ल्यूजी @५ ग्रॅम किंवा स्पिनॅटोरम ११.७ एससी @ १० मिली किंवा लॅम्बडा सायहॅलोथ्रिन ४.९० सीएस @ ५ मिली किंवा डीडीव्हीपी ७६ ईसी @१० मिली प्रति १० लिटर पाण्यात मिसळून फवारणी करावी. • प्रत्येक वेळी फवारणी करताना कीटकनाशके वेगवेगळी वापरावीत.