• शेवग्याला वर्षातून दोनदा बहार येतो. हा बहार येताना खतांचा वापर करणे गरजेचे आहे. • छाटणी झाल्यावर प्रति एकर झाडांना १०-१२ टन शेणखत द्यावे. शेणखताबरोबरच रासायनिक खतांचादेखील वापर करावा. • प्रति एकरी ५० किलो युरिया, ५० किलो डी.ए.पी आणि ५० किलो पोटॅश हे खत द्यावे. त्यानंतर ३० ते ४० दिवसांनी पुन्हा एकदा एकरी ५० किलो युरिया द्यावा. • माती परिक्षणानुसार जमिनीचा प्रकार आणि झाडाची वाढ यानुसार नत्राचे प्रमाण कमी-जास्त करावे. • पहिला बहार निघाल्यानंतर नवीन पालवी फुटून फुले येऊ लागतात, अशावेळी पुन्हा एकदा वरीलप्रमाणे खतांचे नियोजन करावे. • या प्रकारे वर्षातून दोनदा रासायनिक खतांचा वापर करावा. त्याचबरोबर सेंद्रिय खतांचा जास्त प्रमाणात वापर वाढविल्यास शेंगा, रंग, चकाकी आणि प्रत सुधारते. शेवग्याचा शेंडा जास्त वाढत असल्यास, नत्र वापर कमी करावा. • शेगांची फुगवण कमी होत असल्यास तसेच फूलगळ कमी होऊन शेगांची संख्या वाढविण्यास स्फुरद खतांचा वापर जास्त करावा. संदर्भ – अॅग्रोस्टार अॅग्रोनोमी सेंटर ऑफ एक्सिलेंस