शेवग्याचे उत्पादन तंत्र हे मुख्यत्व छाटणीवर अवलंबून असते. छाटणी न केल्यास एकच शेंडा वाढून कमी उत्पादन येते तसेच शेंगांची काढणी करणे अवघड जाते त्यामुळे शेवगा लागवडीनंतर ४ ते ६ महिन्यात जमिनीपासून 2 ते 2.5 फुटावर मुख्य शेंडा खुडावा व जुनी बाग असल्यास शेंगांची काढणी झाल्यावर जमिनीपासून 2 ते 3 फुटापर्यंत झाडाची उंची ठेऊन फांद्याची छाटणी करावी. जेणेकरून शेंडा न वाढता बाजूने नवीन फांद्या फुटून बहार चांगला येतो. छाटणी नंतर लगेच कॉपर ऑक्सि क्लोराईड ५० % डब्ल्यू पी @ 2.5 ग्रॅम + क्लोरोपायरीफॉस २० % ईसी @ 2 मिली प्रति लिटर पाणी घेऊन फवारणी करावी. शक्यतो थंडी मध्ये छाटणी करणे टाळावे.