➡️ करोनाच्या संकटामुळे आर्थिक संकटात सापडलेल्या गावातील अल्पभूधारक शेतकऱ्यांसाठी बरबडी ग्रामपंचायतीने अनुदानाची तरतूद केली आहे. या माध्यमातून प्रत्येक गरजू शेतकऱ्याला सुमारे चार हजार रुपये बियाणे आणि मशागतपूर्व सोयीसाठी दिले जाणार आहेत. या आर्थिक आधाराने शेतकऱ्यांना खरिपात दिलासा मिळणार असल्याचा विश्वास व्यक्त होत आहे. ➡️ सेवाग्रामनजीक बरबडी हे पाच हजार लोकवस्तीचे गाव आहे. गावात पन्नासच्यावर अल्पभूधारक शेतकरी आहेत. लॉकडाउन काळात अनेकांना शेतातील भाजीपाला बाजार उपलब्ध नसल्याने फेकून द्यावा लागला. नंतर अतिवृष्टीनेदेखील नुकसान केले. अतिवृष्टीतील नुकसानभरपाई अद्याप मिळाली नाही. ➡️ त्यामुळे अनेक शेतकऱ्यांकडे येत्या खरीप हंगामात लागवडीसाठी सोय उपलब्ध नाही. शेतकऱ्यांची ही परिस्थिती पाहून गावानेच आता शेती आणि शेतकरी वाचविण्यासाठी पुढाकार घेतला आहे. सरपंच संगीता शिंदे आणि सदस्यांनी शेतकऱ्यांसाठी आर्थिक पॅकेज तयार केले. त्याबाबत ठराव घेऊन गरजू अल्पभूधारक शेतकऱ्यांना प्रत्येकी तीन हजार रुपये देण्याचा निर्णय घेण्यात आला. गावातील तलाठ्याकडून अल्पभूधारक शेतकऱ्यांची यादी ग्रामपंचायतीकडून मागविण्यात आली आहे. त्यातील गरजू अल्पभूधारक शेतकऱ्यांची निवड करण्यात येत आहे. ➡️ अल्पभूधारक शेतकऱ्यांना मदत म्हणून बरबडी ग्रामपंचायतीने सध्या दीड लाख रुपयांची तरतूद केली आहे. भविष्यात ही तरतूद वाढविण्यात येणार आहे. अल्पभूधारक आणि गरजू शेतकऱ्यांची यादी तयार करून ही मदत त्या शेतकऱ्यांना दिली जाईल. प्रत्येकी तीन ते चार हजार रुपयांप्रमाणे ही मदत गरजू शेतकऱ्यांना मिळणार आहे. हंगामातील काही प्रमाणात अडचण सोडविणे शक्य होणार आहे. या मदतीमधून गरजू शेतकऱ्यांना आपली शेती फुलविता येणार आहे. ➡️ करोनाचा संसर्ग सलग दुसऱ्या वर्षीही संपण्याची चिन्हे दिसून येत नाही. नैसर्गिक संकटामुळे शेतकऱ्यांचे कंबरडे मोडले आहे. खरीप हंगामात पेरायचे काय, असा प्रश्न अनेक शेतकऱ्यांपुढे आहे. बरबडीप्रमाणे विदर्भातील प्रत्येक गावात अशा पद्धतीची उपाययोजना करणे आवश्यक असल्याचा सूर यानिमित्ताने उमटू लागला आहे. यासारख्या अधिक उपडेट जाणून घेण्यासाठी दिलेल्या लिंकवरulink://android.agrostar.in/publicProfile?userId=558020क्लिक करा. संदर्भ -Maharashtra times, यासारख्या अधिक महत्वाच्या व कृषी विषयक घडामोडी जाणून घेत रहा व माहिती उपयुक्त वाटल्यास लाईक करून आम्हाला तुमच्या प्रतिक्रिया खाली कंमेंट बॉक्स मध्ये नक्की कळवा.