सार्वजनिक क्षेत्रातील इंडियन बँकेने देशातील शेतकऱ्यांना मोठी भेट दिली आहे. खरं तर इंडियन बँकेने शेतकऱ्यांना सोन्याच्या कर्जाच्या बदल्यात कर्ज देण्याची योजना तयार केली होती, त्यामध्ये आता व्याज दर कमी करण्यात आला आहे. आता सोन्याच्या कर्जाचा व्याज दर ७ टक्क्यांपर्यंत ठेवण्यात आला आहे. हे अल्प मुदतीसाठी कर्ज आहे. त्याचे नाव कृषी गोल्ड लोन असे आहे. यावर व्याज दर कमी करण्यात आला आहे. पूर्वी व्याज ७.५ टक्के होता. बँकेच्या म्हणण्यानुसार सद्यस्थिती लक्षात घेता हा निर्णय घेण्यात आला आहे. यामुळे गरजू शेतकर्‍यांना कमी दरात कर्ज दिले जाऊ शकते. बँकच्या मते - २२ जुलै २०२० पासून कृषी गोल्ड लोनसाठी ७ टक्के व्याज दर लागू करण्यात आला आहे. म्हणजेच आता दरमहा प्रती लाख रुपये ५८३ रुपये व्याज दिले जाईल. बंपर कृषी गोल्ड लोन योजनेअंतर्गत याची अंमलबजावणी करण्यात आली आहे. स्पष्टीकरण दिले आहे कि, दागिन्यांच्या किंमतीच्या ८५ टक्के किंमतीपर्यंत कर्ज ६ महिन्यांच्या कालावधीसाठी उपलब्ध करुन दिले जाते. कर्ज घेण्यासाठी आवश्यक कागदपत्रे - आयडी पुरावा म्हणून शेतकरी मतदार ओळखपत्र, पॅनकार्ड, पासपोर्ट, आधार कार्ड आणि ड्रायव्हिंग लायसन्स इत्यादी देऊ शकतात. त्याचप्रमाणे पत्ता पुरावा म्हणून मतदार ओळखपत्र, पासपोर्ट, आधार कार्ड किंवा ड्रायव्हिंग लायसन्सचा वापर करावा लागतो. यासह शेतकरी असल्याचा पुरावा द्यावा लागतो. कृषी जागरण २८ जुलै २०२०, यासारख्या अधिक महत्वाच्या व कृषी विषयक घडामोडी जाणून घेत रहा व माहिती उपयुक्त वाटल्यास लाईक करून आपल्या इतर शेतकरी मित्रांना जरूर शेअर करा.