उत्तर कोकण, उत्तर महाराष्ट्र घाटमाथ्यावर आज पावसाच्या जोरदार सरी कोसळतील, असा अंदाज भारतीय हवामान खात्याने दर्शविला आहे. गुजरात येथील कच्छच्याजवळ कमी दाबाचा पट्टा निर्माण झाल्याने या भागांमधील पावसाचा जोर अचानक वाढू शकतो, असे नमूद करण्यात आले आहे. विदर्भात काही ठिकाणी मुसळधार पाऊस पडेल, असा इशाराही दिला गेला. उर्वरित राज्यात मात्र काही ठिकाणी हलक्या सरी पडतील, असे सांगण्यात आले.