राज्यावर या आठवडयात १०१४ हेप्टापास्कल इतका हवेचा दाब राहील्यामुळे थंडीचे प्रमाण मध्यम स्वरूपाचे राहील. यामध्ये पूर्व विदर्भावर १०१६ हेप्टापास्कल इतका हवेचा दाब राहिल्यामुळे या ठिकाणी थंडीची तीव्रता अधिक राहील. मात्र मध्य, उत्तर व पश्चिम राज्यात थंडी कमी होईल. पुणे जिल्हयात कमाल तापमान ३२ अंश सेल्सिअस राहील, तर किमान तापमान १७ अंश सेल्सिअस राहील. आकाश निरभ्र राहील. सकाळची सापेक्ष आर्द्रता ३८ टक्के तर दुपारची सापेक्ष आर्द्रता १८ टक्के राहील. वाऱ्याचा ताशी वेग ४ किमी राहील. वाऱ्याची दिशा आग्नेयकडून राहील. उत्तर राज्यातील जळगाव जिल्हयात कमाल तापमान २९ अंश सेल्सिअस तर किमान तापमान १५ अंश सेल्सिअस राहील. आकाश निरभ्र राहील. हवामान थंड व अत्यंत कोरडे राहील. सौम्य ते मध्यम स्वरूपात थंडी जाणवेल तसेच थंडी कमी होत जाईल.