अॅग्री डॉक्टर सल्लाअॅग्रोस्टार अॅग्रोनॉमी सेंटर ऑफ एक्सीलेंन्स
भुईमूग पिकातील पाने पोखरणाऱ्या अळीचे नियंत्रण!
• भुईमूग पिकावर ही किड अति महत्वाची व नुकसानकारक अशी आढळून आली आहे. विशेषतः उन्हाळी हंगामात जिथे भूईमूग घेतला जातो त्या ठिकाणी या किडीमुळे खूप नुकसान होते.
• अळी आकाराने लहान म्हणजे ५ मि.मि. लांबीची असून पाठीमागचे बाजूस निमुळती होत जाते व रंगाने तपकिरी किंवा फिकट हिरवी असते. डोके व छातीचा भाग गर्द असतो.
• प्रथम ही अळी पानाच्या वरील पातळ आवरण छेदून आत शिरते आणि पानातील भाग पोखरत जाते त्यामुळे या अवस्थेत तिला पाने पोखरणारी अळी असे म्हणतात.
• अळीने पानातील हिरवा हरित भाग खाल्ल्रामुळे पानावर पारदर्शक आवरण फक्त दिसते.
• परंतु अळी जसजशी मोठी होते तसतशी ती पोखरलेल्या भागातून बाहेर येते व शेजारील पाने एकत्र करून तोंडातील लाळेच्या सहायाने चिटकवते व अशा गुंडाळलेल्या पानामध्ये राहून पानांचा हिरवा भाग खाते म्हणून या अवस्थेत तिला पाने गुंडाळणारी अळी असे संबोधतात.
• अशी गुंडाळलेली पाने वाळून जमिनीवर खाली पडतात व पिकाचे अतोनात नुकसान होते.
नियंत्रण-
➡️ शेतात रात्रीचेवेळी प्रकाश सापळ्यांचा वापर करावा.
➡️ उन्हाळी भुईमूगानंतर सोयाबीन करणे टाळावे तसेच सोयाबीन नंतर भुईमूग करणे टाळा.
➡️ या अळीचा प्रादुर्भाव वाढत असल्याचे दिसताच थायोमेथॉक्झाम १२.६% + लेम्बडा सायहॅलोथ्रीन ९.५% झेडसी @८० मिली प्रति एकर याप्रमाणे फवारणी करावी.
संदर्भ:- अॅग्रोस्टार अॅग्रोनॉमी सेंटर ऑफ एक्सीलेंन्स.
हि उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा.